ფილა, როგორც ყველაზე პოპულარული მოსაპირკეთებელი მასალა, გამოიყენება ნებისმიერ ზედაპირზე, იატაკზე, კედელზე, იშვიათად ჭერზეც. ძირითადად ფილას ვარჩევთ მისი დიზაინიდან გამომდინარე, მაგრამ არის რამოდენიმე საინტერესო წვრილმანი, რომელსაც უნდა მიაქციოთ ყურადღება ფილის შეძენამდე. 

კერამიკული ფილის ტიპები
- ერთჯერადი გამოწვის ფილა- ფერებიდან გამომდინარე იგება იატაკზე ან კედლებზე; - ფაიფურის კერამიკისგან დამზადებული ფილა
- მაღალი სიმტკიცის გათვალისწინებით არ მოითხოვს დამატებით მინანქარს, გამოიყენება იაკისთვის;
- კერამიკული გრანიტი - მაღალი სიმტკიცის მქონე, გარემოს ფაქტორების ზემოქმედების მიმართ მდგრადი და ეკოლოგიურად სუფთა მოსაპირკეთებელი მასალაა, ამიტომ მას ძირითადად გარე დაგებისთვის იყენებენ;
- წნევის ქვეშ მომინანქრებული კერამიკული ფილა - გამოიყენება როგორც იატაკისთვის, ასევე კედლებისთვის;
- კლინკერული ფილა- გამოირჩევა მაღალი სიმტკიცით და გააჩნია მდგრადობა ქიმიური ნივთიერებების ზემოქმედების მიმართ, შესაბამისად გამოსადეგია იატაკისა და კედლების მოსაპირკეთებლად.

აბაზანის ფილა 
აბაზანის მოპირკეთება ფილით - ყველაზე სწორი გადაწყვეტილებაა. აბაზანის ფილის შერჩევისას გაითვალისწინეთ ფართის კვადრატულობა - პატარა აბაზანისთვის ოპტიმალურია ფილა ვერტიკალური ნახატით, რაც ვიზუალურად ამაღლებს ჭერს, ხოლო დიდ სააბაზანო ოთახებს მოუხდება ფილა მსხვილი და ჭრელი ნახატით. 

იატაკის ფილის შერჩევისას გაითვალისწინეთ:
- ფილის დიზაინი - ინდივიდუალური პარამერტია და დამოკიდებულია რა თქმა უნდა გემოვნებაზე;
- ტექნიკურ-საექსპლუატაციო მახასიათებლები - პირველი ხარისხის ფილა წითელი ფერის მარკირებით (მარკირება АА), რომელსაც გააჩნია აგრესიული გარემოების მიმართ გამძლეობის მაღალი თვისებები. დატვირთვის და ცვეთადობის მიმართ გამძლეობის მიხედვით ჯობია I-III კლასის ფილის შერჩევა;
- ფილის ფორმა და ზომა გავლენას ახდენს ნაკერებზე, რაც უფრო დიდია ნაკერი, მით უფრო მაღალია სოკოსა და ობის გაჩენის რისკი.
- უსაფრთხოება - არსებობს ფილა პრიალა და მქრქალი ზედაპირით. იატაკზე დასაგებად აუცილებელად გამოიყენეთ მქრქალი ფილა, ამით შეამცირებთ მოცურებისა და წაქცევის რისკს.

სამზარეულოს ფილა
სამზარეულოს იატაკის მოსაპირკეთებლად ყველაზე პოპულარულია კერამიკული ფილა, ვინაიდან:
- გააჩნია სიმტკიცის და ცვეთამედეგობის მაღალი მაჩვენებლები;
- უძლებს ტემპერატურის ცვლილებას;
- გამოირჩევა მაღალი მდგრადობით;
- კერამიკული ფილა იტანს ქიმიური შემადგენლობის ნივთიერებებით დამუშავებას;
- არის ეკოლოგიურად სუფთა.

სამზარეულოსთვის სასურველია ხორკლიანი ზედაპირის მქონე ფილის შერჩევა, მქრქალი არაპრიალა, მაგრამ გლუვი ზედაპირით (რელიეფური ზედაპირი უფრო მალე ჭუჭყიანდება და მოითხოვს ხშირ საფუძვლიან წმენდას). ხშირ შემთხვევაში იატაკზე დასაგებად უპირატესობა ენიჭება მსხვილ ფილას (60х40 ან 60х60 სმ), ვინაიდან იგი ნაკერების რაოდენობის მინიმუმამდე დაყვანის და უფრო მტკიცე იატაკის საფარის შექმნის საშუალებას გვაძლევს.

სამზარეულოს წინსაფარი
კერამიკული ფილა სამზარეულოს წინსაფრისთვის მოპირკეთების უნივერსალური საშუალებაა, თუ გავითვალისწინებთ მოვლის სიმარტივეს და ლამაზ ვიზუალურ მხარეს. ფერადი გაფორმების მრავალფეროვნება და ასევე დღესდღეობით ხელმისაწვდომი ტექნოლოგიების დახმარებით (სხვადასხვა ფაქტურების იმიტაცია, ზედაპირზე ფოტოპრინტის დატანა) ნებისმიერი ჩანაფიქრის რეალიზების საშუალება გვაქვს.
წინსაფრისთვის შეიძლება ნებისმიერი ფორმის და ზომის ფილის შერჩევა შემდეგი თავისებურებებით: 
- ტემპერატურის ცვალებადობის, ტენის, ქიმიური შემადგენლობების და აგრესიული გარემოების ზემოქმედების მიმართ მდგრადობა;
- გლუვი ზედაპირი, რომლიდან ადვილია შეშხეფების, დამწვრობების და სხვა ჭუჭყის მოშორება. რაც შეეხება ფილის ფერის შერჩევას, პირველ რიგში გაითვალიწინეთ სამზარეულოს, ავეჯისა და სანათების საერთო დიზაინი. სამზარეულოსთვის კლასიკურ სტილში სასურველია ნეიტრალური ფერების შერჩევა, ხოლო ჭრელი სამზარეულოებისთვის ფილა მსხვილი და გამორჩეული ნახატით შესანიშნავი არჩევანი იქნება.

ფილების განხილვას ამით ვასრულებთ. სასურველი ფილის შერჩევისთვის გთავაზობთ ჩვენს კატალოგს. 

„დომინო“ გისურვებთ წარმატებებს!