სწორი განათება თქვენს ინტერიერში ძალიან მნიშვნელოვანია დამღლელი დღის შემდეგ კომფორტულ გარემოში დასვენებისთვის. ამ სტატიაში მოგიყვებით რას უნდა მიაქციოთ ყურადება მისი შერჩევის დროს.

საცხოვრებლის განათების მიმართ წაყენებულია საკმაოდ მაღალი მოთხოვნები, ვინაიდან იგი დიდ გავლენას ახდენს ადამიანის ფსიქოლოგიურ ჯანმრთელობაზე, და ასევე ნებისმიერ განათებას აქვს თავისი დანიშნულება. ჭაღი საჭიროა მთელი სივრცის თანაბარი განათებისთვის, ტორშერი და ბრა - კუთხის წერტილოვანი განათებისთვის.

უნდა აღინიშნოს, რომ ელექტრონათურების სინათლე კლასიფიცირდება ტემპერატურით, რომელიც იზომება კელვინებით. არ იფიქროთ, რომ ეს არის ნათურის მიერ გამოყოფილი ტემპერატურატურა. ნათურების შეფუთვაზე ყოველთვისაა მითითებული ან სინათლის ელფერი, რომელსაც გვაძლევს ნათურა, ან ფერის ტემპერატურა, რომელსაც ქვემოთ იხილავთ:

• 2700 – 3500 K – თბილი ყვითელი ფერი, რომელიც მოუხდება ბრას ან ტორშერებს, ღამის სანათებს საძინებელში, საბავშვო ან სასტუმრო ოთახებს. ასევე გამოსადეგი იქნება სასადილო ოთახის ჭაღისთვის
• 3500 – 5300 K – დღის სინათლე, რომელიც კარგად გაანათებს საცხოვრებელ ოთახებს, სამზარეულოს და ოფისს. ასევე მოუხდება ჭაღებს და კედლის სანათებს, შეკიდული ჭერის განათებას და ა. შ.
• 5300 – 6500 K – ცივი მიცისფრო სინათლე, რომელსაც ძირითადად იყენებენ მუზეუმებში, საიუველირო მაღაზიებში ან ვიტრინის განათებისთვის

განათების ძირითადი ტიპები

• საბაზისო განათება გამოიყენება მთელი სივრცის გასანათებლად. ეს შეიძლება იყოს ჭაღი, შეკიდული ჭერის განათება და სხვა

• სამუშაო განათება არის ძლიერი შუქი, რომელიც კონცენტრირებულია ერთ ობიექტზე. კარგი გადაწყვეტილებაა სამზარეულოს ნიჟარასთან, მაგიდასა და გაზქურასთან. განათების ამ ტიპს ასევე გამოიყენებთ სააბაზანო ოთახში ან სარკესთან

• აქცენტირებული განათება არის წერტილოვანი განათება, რომელიც გამოიყენება სასურველი ობიექტის გამოსაყოფად. ეს შეიძლება იყოს ნახატი, საოჯახო სურათი, ლამაზი ვაზა. თუ გადაწყვიტეთ საყვარელი მცენარის განათება, დარწმუნდით, რომ შერჩეული შუქი და ფერის ტემპერატურა მცენარეებისთვის დასაშვებია. წინააღმდეგ შემთხვევაში თქვენი მწვანე მეგობრის ჯანმრთელობას საფრთხე შეექმნება

• დეკორატიულ განათებას არ აქვს მუშა დატვირთვა. ის უბრალოდ ხაზს უსმევს ოთახის საერთო დიზაინს ან რომანტიკულ განწყობას - სანთლები, დეკორატიული სანათები და ა. შ. ამ სეგმენტს ასევე მიეკუთვნება შუქდიოდური ლენტა

სანათის და ფერის ტემპერატურის შერჩევის შემდეგ შეგიძლიათ შეიძინოთ ნათურები. გაითვალისწინეთ, რომ ნათურას უნდა ჰქონდეს სანათის შესაფერისი ცოკოლი. ასევე დაფიქრდით პულტით მართვად და Wi-Fi ნათურებზე.

გადაამოწმეთ, იმუშავებს თუ არა სანათი 220 ვოლტიან ელექტროქსელში. თუ სხვა ძაბვით მუშაობს, მაგრამ ძალიან მოგეწონათ და გსურთ მისი შეძენა, მაშინ დაგჭირდებათ ტრანსფორმატორი ძაბვის გარდაქმნისთვის.

მაშ, შევაჯამოთ: როდესაც ირჩევთ განათებას საცხოვრებელი ოთახებისთვის (საძინებელი, საბავშვო), შეიძინეთ ისეთი ნათურები, რომლების ფერის ტემპერატურა მერყეობს 2700 – 3500 კელვინის ფარგლებში. თბილი ყვითელი ელფერი ამშვიდებს ორგანიზმს და ამზადებს მას ძილისთვის.

3500 კელვინზე მაღალი მაჩვენებელი მიეკუთვნება დღის სინათლის სეგმენტს. ასეთი განათება ძირითადად გამოიყენება ისეთ ადგილებში, სადაც საჭიროა ყურადღების კონცენტრაცია. ეს არის სამზარეულო, ოფისი, სამუშაო მაგიდა.

თუ თქვენ გაქვთ კონკრეტული ჩანაფიქრი დიზაინისთვის, ჩვენ გთავაზობთ სანათების მშვენიერ არჩევანს, მოწინავე მწარმოებლების ნოუ-ჰაუს, ნათურებს და თანმხლებ პროდუქციას.

„დომინო“ წარმატებებს გისურვებთ!