ჩვენ ბევრჯერ გვისაუბრია გრილის სახეობებზე, დროა განვიხილოთ მისი გამოყენების წესებიც. ამ საკითხზე ყურადღების გამახვილება გადავწყვიტეთ იმიტომ, რომ რიგი წესების დაცვით თქვენ შეინარჩუნებთ გრილს მუშა მდგომარეობაში დიდი ხნის განმავლობაში. დავიწყოთ ძირითადი საკითხით: როგორ მოვამზადოთ გრილი გამოყენებისთვის? გაზის გრილები მარტივია გამოყენებაში - საკმარისია სანთურის დანთება, მაგრამ ნახშირის გრილი უფრო მეტ ყურადღებას მოითხოვს, სამაგიეროდ კი მიიღებთ კერძის შებოლილ გემოს.

• გრილის სწორი გახურება. ნახშირის სწორ გახურება ძალიან მნიშვნელოვანია, ვინაიდან პროდუქტი გრილზე მზადდება ნახშირისგან წამოსული ჰაერის ცხელი ნაკადის ხარჯზე. ყველაზე ეკოლოგიური და მოსახერხებელია სტარტერის გამოყენება, პრინციპი მარტივია - აიღეთ სტარტერი, ნახშირი და გასაღვივებელი (ნახერხი, ქაღალდი ან მშრალი სპირტი). ნახშირის ყრით  სტარტერში, ხოლო სტარტერის ათავსებთ გრილზე ცეცხლმოკიდებულ გასაღვივებლზე. ნახშირი მზადაა გათეთრების დროს, ისიც გაითვალისწინეთ, რომ ცივი ამინდში ნახშირს გასახურებისთვის მეტი დრო სჭირდება. როგორც კი ნახშირი გახურდება, გადაალაგეთ გრილში და დააფარეთ თავსახური და დაელოდეთ გრილის გახურებას. ახადეთ ცოტახანი, ახადეთ გრილს თავსახური, გააჩერეთ ხელი ნახშირთან 10 სმ-ს მანძილზე, თუ 3-4 წამში იგრძენით, რომ ხელს ვეღარ აჩერებთ, ე. ი. გრილი მზადაა გამოყენებისთვის. თუ ნახშირის გასაღვივებლად იყენებთ ცეცხლის გასაჩაღებელ სითხეს, სახიფათოა სტარტერის გამოყენება - ამან შეიძლება აფეთქებაგამოიწვიოს.

• ნახშირის სწორი განაწილება. ნახშირის გრილთან მუშაობისას მნიშვნელოვანია სიმხურვალის სწორი განაწილება. სიმხურვალე არსებობს პირდაპირი და ირიბი და პროდუქტის სწორი შეწვისთვის ორივე მნიშვნელოვანია. გადაიტანეთ ცხელი ნახშირი ერთ მხარეს, თუ ამზადებთ სტეიკს, რეკომენდებულია მისი მოთავსება მეორე მხარეს. გააჩერეთ თითო მხარე ერთი წუთის განმავლობაში, შემდგომ კი გადმოიტანეთ ნხაშირის თავზე და დააფარეთ დავსახური. ასეთ შემთხვევაში ხორცი შეიწვება გრილში შექმნილი სიმხურვალის ხარჯზე და არ დაგეწვებათ.

• როგორ გამოვიყენოთ ზეთი? თუ ზეთს იყენებთ იმისთვის, რომ პროდუქტი არ მიეკვრას გრილის გისოსებს, ზეთი უნდა დაატანოთ უშუალოდ პროდუქტს და არა გისოსს. ამგვარად თავიდან აირიდებთ ზეთის აალების საფრთხეს.

• რატომ არ შეიძლება ხშირად გრილის თავსახურის ახდა? ჩვენს სტატიაში ნახშირის გრილებზე ჩვენ ვწერდით, რომ კარგ წვას განაპირობებს ჟანგბადი, მაგრამ ამას უარყოფითი მხარეც გააჩნია - რაც უფრო ხშირად ახდით თავსახურს, მით უფრო მეტი ჟანგბადი შეაღწევს გრილში, წვა გაძლიერდება და ტემპერატურა მოიმატებს. ცხადია, პროდუქტი დაიწვება, ამიტომ გირჩევთ ახადოთ თავსახური მხოლოდ საჭიროების შემთხვევაში.

• აქსესუარები.გრილთან მუშაობისას უმჯობესია გამოიყენოთ სპეციალური ინვენტარი, რომელიც იყიდება ცალ-ცალკეც და ნაკრებშიც. ისიც მნიშვნელოვანია, რომ ყველა ხელსაწყო გამოიყენოთ დანიშნულებისამებრ, ანუ თევზისთვის, კატლეტისთვის და სხვა ნაზი პროდუქტებისთვის გამოიყენოთ ნიჩაბი; სტეიკისთვის, ქათამსა და ბოსტნეულისთვის გამოიყენოთ მაშები. ასევე მზადების პროცესს საკმაოდ ამარტივებს ცხაურა-გრილი.

• სივრცე. გახსოვდეთ, რომ პროდუქტების კარგი და სწრაფი შეწვისთვის მოათავსეთ საკვები ერთმანეთსგან დაშორებით. 

• გრილის მოვლა. გრილის სისუფთავის დაცვა მნიშვნელოვანია მისი ექსპლუატაციის ვადის გასახანგრძლივებლად, და რა თქმა უნდა დიდ როლს თამაშობს კერძების მომზადებასა და ხარისხში. გრილის მოვლისთვის არსებობს უამრავი ჯაგრისი, ღრუბელი, ნახშირის გრილის მტვერსასრუტიც კი. ასევე გირჩევთ დაიცვათ მწარმოებლის ინსტრუქცია.

• რატომ არ შეიძლება ცეცხლის ჩაქრობა წყლით? თუ გრილი უეცრად აალდა, არავითარ შემთხვევაში არ მიეკაროთ წყალს. პირველ რიგში გახურებულ გრილზე წყლის დასხმა გამოიწვევს ცხელი ორთქლის წარმოქმნას, რომლისგანაც შეიძლება სერიოზული დამწვრობები მიიღოთ. გაზის გრილის შემთხვევაში წყლის დასხმა საშიშია არა მხოლოდ ორთქლის გამო, არამედ ალის ჩაქრობის შემდგომ შეიძლება დაგავიწყდეთ გაზის გადაკეტვა, სუფთა ჰაერზე მჟონავი გაზის სუნი შეიძლება ვერც იგრძნოთ... ადამიანისთვის ფიზიკური ზიანის გარდა, ცხელ გრილზე დასხმული წყალი (ტემპერატურათა უეცარი ცვლილება) აფუჭებს ლითონს და დროთა განმავლობაში იგი იხეთქება და ჟანგდება. ამგვარი დისკომფორტის თავიდან აცილებისთვის აიღეთ გრილიდან პროდუქტები და დაელოდეთ, სანამ ალი ჩაქრება. ყოველი შემთხვევისთვის ახლოს იქონიეთ სათლი ქვიშით, რომლითაც ალს ჩააქრობთ.

• პირადი ჰიგიენის დაცვა. ამ პუნქტს გრილის მუშა მდგომარეობასთან კავშირში არ აქვს, თუმცა ვთვლით, რომ მაინც გასავლელია. ხორცთან, თევზსა და ქათამთან მუშაობისას ჰიგიენის დაცვა ძალზედ მნიშვნელოვანია, ყველა ეს პროდუქტი უმი სახით წარმოადგენს ინფექციური ხასიათის საფრთხეს. გირჩევთ გამოიყენოთ უტალკო ერთჯერადი ხელთათმანები და პერიოდულად გამოცვალეთ ან ყოველ ჯერზე საგულდაგულოდ დაიბანოთ ხელები. ის ინვენტარი, რომელიც იყო გამოყენებულ უმ ცხოველურ პროდუქტებთან (დანები, მაშები, დაფა, ჯამი) უნდა კარგად გაირეცხოს, უმჯობესია გქონდეთ დამატებითი სუფთა კომპლექტი. თუ ხელთათმანების გარეშე მუშაობთ, ხელი არ უნდა მოკიდოთ გრილის ტუმბლერებს, უმ ბოსტნეულს და მწვანილს დაუბანავი ხელით, თერმულად დაუმუშავებელი პროდუქტებისთვის კი უნდა გამოიყენოთ სხვა ჭურჭელი და ინვენტარი.

ჩვენი რჩევების გათვალისწინებით გრილთან მუშაობის პროცესს გაიმარტივებთ. ჩვენი ინტერნეტ-მაღაზია კი, როგორც ყოველთვის, გთავაზობთ ყველა საჭირო მოწყობილობას და ინვენტარს. ჩვენი შემდეგი სტატია „გრილის სერიიდან“ მიეძღვნება საგრილე კერძების რეცეპტებს. საინტერესო და საუცხოო იქნება და არ გამოტოვოთ!

„დომინო“ წარმატებებს გისურვებთ!