ბაღის ავეჯის შერჩევისას პირველ რიგში იფიქრეთ მისი განთავსების ადგილზე. თუ აპირებთ მის განთავსებას ტერასაზე ან ჩარდახის ქვეშ, მაშინ მოთხოვნები ავეჯის მიმართ არ იქნება ძალიან მკაცრი, ხოლო ღია ცის ქვეშ განთავსებული ავეჯი მოითხოვს რამდენიმე დეტალის გათვალისწინებას. მნიშვნელოვანია ავეჯის წონა, ვინაიდან უმნიშვნელო ქარმა არ უნდა წააქციოს, მხურვალე მზემ არ უნდა დააზიანოს თქვენი ავეჯის საფარი, ხოლო წვიმამ და სინესტემ არ უნდა მოახდინოს ზემოქმედება ავეჯის ხარისხზე.

ზემოთ ხსენებული ფაქტორებისგან თავის არიდება შეიძლება, თუ შეარჩევთ სწორი მასალისგან დამზადებულ ავეჯს - ხის, ლითონის ან პლასტიკისგან დამზადებულ კომპლექტებს. ტექნოლოგიური პროგრესი ისე განვითარდა, რომ შესაძლებლად ქმნის ყველა ამ მასალის დამზადებას სხვადასხვა ფაქტურით, რაც დაგეხმარებათ ავეჯის შერჩევაში ნებისმიერი ინტერიერისთვის. 

ხის ავეჯი მუდამ ლიდერად ითვლება, მშვენივრად ერგება ნებისმიერ გემოვნებას და დიზაინს. უნდა აღვნიშნოთ, რომ ხის ავეჯი ბაღისთვის ექვემდებარება დამუშავების სხვადასხვა ეტაპებს, რაც მატებს მას მდგრადობას გარე პირობებში არსებობისთვის. მეტ წილად მდგრადობა მიიღწევა ავეჯის ლაქით დამუშავებით. დროდადრო შეგიძლიათ დაამუშაოთ თქვენი ავეჯი სხვადასხვა საშუალებებით, რაც შეამცირებს მზის სიმხურვალის გავლენას და დაიცავს ხეს ობის წარმოქმნისგან. ზამთრის პერიოდში შეგიძლიათ გადაიტანოთ თქვენი ავეჯი დაცულ ადგილას ან დააფაროთ დამცავი გადასაფარებელი.

ლითონის ავეჯი არ ჩამორჩება ხის ავეჯს, არის მტკიცე მასალა და ამავე დროს მოქნილია ფორმის ჩამოყალიბებისთვის. მზისა და ტემპერატურის ცვლილება მისთვის არ არის კრიტიკული, არ ლპება და მასზე არ წარმოიქმნება ობი. ამასთან ლითონის ავეჯი ზღაპრულად ელეგანტურია. ჟანგისგან დასაცავად გირჩევთ ანტიკოროზიულ საშუალებებს. ლითონის ავეჯსაც ზამთარში უნდა გაუფრთხილდეთ და დააფაროთ სპეციალური გადასაფარებელი.

პლასტმასის ავეჯი არის ყველაზე ხელმისაწვდომი და აქტუალური ვარიანტი. თანამედროვე პლასტიკს გამოიყენებთ წლების მანძილზე, ფასი აქვს შედარებით დაბალი, მას არ აფუჭებს მზე და წვიმა, რეცხვის პროცესი კი უმარტივესია. მინუსი აქვს მხოლოდ ერთი - ზამთარში გარეთ ვერ დატოვებთ, ვინაიდან ყინვისგან შეიძლება გასკდეს-გაიხეთქოს. 

ბაღის ავეჯი განთავსება შეგიძლიათ არა მხოლოდ ბაღში, არამედ ტერასაზე, ვერანდაზე და ზაფხულის კაფეეში, პატარა მაგიდა-სკამი იდეალურად მოერგება კორპუსის აივანსაც. ხის ქვეშ ცოტა ხნით ჩათვლემაზე სასიამოვნო რამე თუ არსებობს? ამისთვის შეგვიძლია შემოგთავაზოთ ჰამაკი, დივანი-საქანელა, სარწეველა და სხვადასხვა ტიპის შეზლონგები. მხურვალე მზისგან დაგიცავთ დიდი ქოლგები. სხვათა შორის, არსებობენ ქოლგიანი მაგიდა-სკამის კომპლექტებიც.

„დომინო“ წარმატებებს გისურვებთ!