ალბათ დაგვეთანხმებით, რომ ბაღის სილამაზისთვის ხეებისა და მცენარეების მრავალფეროვნება არ არის საკმარისი, ბევრს ნიშნავს კარგად მოვლილი გაზონი და ამიტომ დღეს ჩვენ მოგიყვებით გაზონის მოვლის ხელსაწყოებზე. დღეს მწარმოებლები გთავაზობენ სხვადასხვა ხელსაწყოების ფართო არჩევანს, ბენზინზე, ელექტროობაზე და აკუმულატორზე მომუშავე დანადგარებს, ხოლო აღნიშნულებიდან სამი ძირითადი სახეობა არსებობს - ტრიმერი, მოტოცელი და გაზონის საკრეჭი.

ტრიმერი და მოტოცელი

• ტრიმერის საჭრელი ელემენტია ძუა. პატარა გაბარიტების გათვალისწინებით ტრიმერი შეუცვლელია, თუ აპირებთ ბალახის ან სარევლების მოჭრას ხეებთან, ბუჩქებთან, ბილიკების გასწვრივ, კლუმბებსა და ღობეებთან. ტრიმერი განკუთვნილია პატარა ფართებისთვის (50 მ2). თქვენი უსაფრთხოებისთვის კი აღჭურვილია დამცავი ფარით.

• მოტოცელი ტრიმერისგან დიდად არ განსხვავდება. ბენზინის საწვავზე მუშაობს, თუმცა ასევე არსებობს ელექტრო და აკუმულატორიანი ცელები. მისი საჭრელი ელემენტის როლს ასრულებს სპეციალური დანა ან ძუა, კომფორტისთვის არჭურვილია ზურგზე დასამაგრებელი ღვედი. მოტოცელის სიმძლავრე ზრდის მისი გამოყენების მასშტაბებს. როგორც ტრიმერი, განკუთვნილია წვრილი სამუშაოებისთვის და ასევე ბუჩქნარების, სხვადასხვა ბარდების და წვრილი ტოტების საკრეჭად. მისი გამოყენებით შეგიძლიათ დაამუშაოთ ფართი 100 მ²-მდე.

გაზონის საკრეჭები

• გაზონის საკრეჭი არის გაზონის მოვლის მძლავრი მოწყობილობა და მას ჩვენ უფრო დეტალურად განვიხილავთ. მისი მეშვეობით გაზონის დამუშავება საკმაოდ მარტივია. მის უპირატესობათა შორის არის ბალახის შემკრები კონტეინერის და მულჩირების (ბალახის დაქუცმაცების) ფუნქცია. შემდგომში მულჩას იყენებენ, როგორც ნატურალურ სასუქს. საწვავზე, ელექტროობასა და აკუმულატორზე მომუშავე გაზონის საკრეჭების გარდა, ასევე არსებობენ მექანიკურებიც.

გაზონის საკრეჭებისთვის მნიშვნელოვანი პარამეტრია ბალახის მოჭრის სიგანე და სიმაღლე. ნებისმიერი საკრეჭის შეძენისას ყურადღება მიაქციეთ მოჭრის სიმაღლის რეგულირების ფუნქციას, რომელიც გამორიცხავს საჭრელი დანების დაზიანებასა ან საკრეჭის მწყობრიდან გამოყვანას. 

აღსანიშნავია, რომ ბენზინზე მომუშავე გაზონის საკრეჭი უფრო მძლავრია სხვებთან შედარებით, მაგრამ გამონაბოლქვს მაინც აქვს ადგილი, თუმცა თანამედროვე ტექნოლოგიების დახმარებით გამონაბოლქვის კონცენტრაცია მინიმუმამდეა დაყვანილი.

ამით შეგვიძლია დავასრულოთ გაზონის მოვლისთვის საჭირო ტექნიკის მიმოხილვა. ჩვენი საიტი გთავაზობთ ისეთი მოწინავე მწარმოებლების პროდუქციას, როგორიცაა „Al-Ko“, „Solo by Al-Ko“, „Raider“, „Husqvarna“ და ასევე უფრო ხელმისაწვდომი „Raider“-ს და „Scheppach“-ს. გარდა ამისა, ჩვენს ინტერნეტ-მაღაზიაში წარმოდგენილია ყველა საჭირო სახარჯი მასალა - ტრიმერის ძუა, ძრავის ზეთი, მოტოცელების და გაზონის საკრეჭების სხვადასხვა დანები და ა.შ.

„დომინო“ წარმატებებს გისურვებთ!