მცენარეების მოყვარულებმა კარგად იციან რომ გაზაფხული სეზონური სამუშაოების დროა, რაც ნიშნავს იმას, რომ ჩვენი მწვანე მეგობრები ცხელი ზაფხულისთვის უნდა შევამზადოთ. ამისათვის საჭიროა გრუნტის შეცვლა - განახლება ან მცენარის გადარგვა ახალ ქოთანში.

როგორ შევარჩიოთ სწორი გრუნტი და ქოთანი მცენარეებისთვის?

• ქოთნის მოცულობა უნდა შეესაბამებოდეს გრუნტის მოცულობას, და არა მცენარის ზედა ნაწილის ზომას. თუ ზამთრის პერიოდში ან რაიმე დაავადების შედეგად მცენარის ფესვების ნაწილი აღმოჩნდება დაზიანებული/გაფუჭებული, მისი გადარგვა უმჯობესი იქნება უფრო პატარა ქოთანში. არასდროს არ აიღოთ უფრო დიდი ზომის ქოთანი, ვინაიდან ამის გამო მცენარის ფესვების განვითარება არასწორად მიმდინარეობს და იწვევს სხვადასხვა სახის დაავადებებს.

• გრუნტის შერჩევა. ყვავილების მაღაზიებში იყიდება მზა ნარევები. გამოცდილი მებაღეები ამგვარ ნარევს სახლის პირობებში ამზადებენ. ამისთვის გამოიყენებენ ტორფის ნარევებს, ფოთლოვან ნარევებს და ასევე სხვა დანამატებს, როგორების არის პერლიტი, ვერმიკულიტი, ქოქოსის ბოჭკო. აუცილებლად ყურადღება მისაქცევია ნიადაგის მჟავიანობა. ოთახის მცენარეთა უმრავლესობა თავს კომფორტულად გრძნობს სუსტმჟავიანი რეაქციის ნიადაგებში, რომლის рН=5,5-6,5, ზოგიერთი კი, მაგ. კამელია, ცისფერი ჰორტენზია, გარდენია, აზალია, ერიკა, როდოდენდრონი, საჭიროებს მიწის ნარევს, რომლის рН=5,0 ან ნაკლები.

თუ თქვენს კოლექციაში მრავლად არის არა პრეტენზიული მცენარეები, მაგ. კაქტუსი და სხვა სუკულენტები, მათი მორწყვა ნიადაგის სრული გამოშრობის შემდგომ არისსაჭიროა.
იმ შემთხვევაში თუ გვაქვს წყლის მოყვარული მცენარეები, მათი მოვლა ნიადაგის თანაბარ და რეგულარულ დატენიანებას ითვალისწინებს. ასეთებია ტროპიკული ტყეების დეკორატიულფოთოვანი მცენარეები (აგლაონემა, დიფენბახია, ფიკუსი, დრაცენა, კალათეა, გვიმრა). ეს მცენარეები მორწყვის დაგვიანებას გამოხატავენ ფოთლების გაყვითლებით და ცვენა-ჭკნობით. მათი მორწყვა საჭიროა მაშინ, როდესაც ზედა ფენა გამოშრება 3-4 სმ-ზე.

თუ არ ხართ დარწმუნებული, რომ შეძლებთ რეგულარული ყურადღება მიაქციოთ ასეთ მცენარეებს, გამოიყენეთ ჰიდროგელი. საქმიანი ადამიანებისთვის ეს არის იდეალური გადაწყვეტილება. დაამატეთ მიწის შერჩეულ ნარევში ჰიდროგელის წინასწარ დალბობილი გრანულები. ჩარგვისას უნდა გაითვალისწინოთ ზუსტად მშრალი გრანულების 1 გ ნიადაგის 1 ლ-ზე. ჰიდროგელის გრანულებს ასხამენ სუფთა წყალს ან კომპლექსური სასუქის სუსტ ხსნარს. ჰიდროგელის 1 გ იწოვს წყლის დაახლოებით 200 მლ-ს. სითხესთან კონტაქტის შედეგად ჰიდროგელი იბერება და მისი მოცულობა იზრდება. ზედმეტ წყალს ღვრიან, ჰიდროგელს კი ამატებენ გამზადებულ სუბსტრატში (ნიადაგში). ამის შემდეგ სუბსტრატი მზად არის ჩარგვა-გადარგვისთვის. ასეთი გრუნტი კარგად იკავებს ტენს და გადასცემს მას ფესვებს იშვიათი მორწყვის შემთხვევაში. ფესვები კარგად იღებენ სითხეს ხანგრძლივი პერიოდის განმავლობაში. ახალი მორწვისას ჰიდროგელის გამოფიტულ გრანულებში ისევ შეიწოვება წყლის დიდი რაოდენობა და ის ისევ მზად არის მოხმარებისთვის.

დავუბრუნდეთ ქოთნებს!

როგორც ზემოთ აღვნიშნეთ, ქოთანი შეირჩევა ფესვთა სისტემის მიხედვით. ქოთანში უნდა ჩაიყაროს ინერტული მასალის (ღორღი, კერამზიტი) სადრენაჟო ფენა (კონტეინერის სიმაღლის 1/5), შემდგომ კი ნიადაგი. დიდ ქოთანში ჩარგვისას რეკომენდებულია ისეთი შემამსუბუქებელი მასალის დამატება, როგორიცაა კერამზიტი.
რიგ შემთხვევაში, დეკორატიული შეხედულებებიდან გამომდინარე, მცენარე უნდა ჩარგული იყოს დიდ ქოთანში, რომლის ზომები არაპროპორციულია ფესვთა სისტემასთან მიმართებაში. ეს პრობლემა მარტივად გადაიჭრება კაშპოს გამოყენებით, მაგრამ მისი შიდა ნაწილი უნდა შეესაბამებოდეს მცენარის ფესვების ზომებს.

თუ საქმე გაქვთ დიდ მცენარესთან, რომელიც არ საჭიროებს გადარგვას, შეიძლება ნიაგადის ზედა ნაწილის (10-12 სმ) განახლება. თუ მცენარის გადარგვას საერთოდ არ აპირებთ, შეგიძლიათ მისი ჯანსაღი განვითარებისთვის გამოიყენოთ სასუქები. აპრილიდან სექტემბრამდე შეგიძლიათ გაანებივროთ მცენარეები უნივერსალური შემადგენლობებით და ჩაანაცვლოთ ორგანული და მინერალური სასუქები. ამ დროს მკაცრად დაიცავით გამოყენების ინსტრუქცია.

როგორც ჩანს, ორივე მხარე კმაყოფილი და ბედნიერი რომ დარჩეს, არც ისე ბევრი ყურადღება და ენერგიაა საჭირო. ჩვენს საიტზე კი თქვენ აღმოაჩენთ ყველაფერს, რაც დაგჭირდებათ მცენარეებთან მუშაობისთვის. ჩვენი ბაღის ინსტრუმენტები, ქოთნები და კაშპო, კერამზიტი, მიწის სხვადასხვა ნარევები თქვენს განკარგულებაშია.
„დომინო“ წარმატებებს გისურვებთ!