ინტერიერის დიზაინისთვის თანამედროვე მწარმოებლები სულ უფრო მრავალფუნქციურ, მოსახერხებელ და ორიგინალურ პროდუქტებს ქმნიან — გადაწყვეტილებებს, რომლებიც მომხმარებლებს საშუალებას მისცემთ, სასურველი სივრცე შთამბეჭდავად მარტივად აქციონ.

დღევანდელ ბლოგპოსტში სწორედ ერთ-ერთი მათგანი, ჩრდილის ნაკერის პროფილი უნდა გაგაცნოთ — პროდუქტი, რომელიც ზედმეტი ძალისხმევის გარეშე მონტაჟდება და ეფექტური, უნიკალური ჩრდილების შექმნით, ინტერიერს ელეგანტურობასა და დახვეწილ შტრიხებს მომენტალურად ანიჭებს.

რა არის ალუმინის ნაკერის პროფილი
ნაკერის პროფილი შემაერთებელი, უნივერსალური პროფილია. ის როგორც თაბაშირმუყაოს ჭერზე, ისე კედლებზე მონტაჟდება და მძიმე ფირფიტების წონასაც კარგად უძლებს.
პროდუქტის მთავარი უპირატესობა მისი სპეციფიკური ფორმა და ტექნიკური მახასიათებლებია, რაც საშუალებას იძლევა, პროფილი ჭერსა და კედლებზე ისე დამაგრდეს, რომ სინათლის დახვეწილი, ფარული და თანაბარი ჩრდილი ბუნებრივად, დამატებითი განათების გარეშე შეიქმნას.

როგორ მონტაჟდება ნაკერის პროფილი
ნაკერის პროფილის მონტაჟი განსაკუთრებულ სირთულეს არ უკავშირდება. მთავარია, რემონტის დაწყებამდე დაზუსტებით იცოდეთ, რომ სწორედ ამ პროდუქტის გამოყენებას აპირებთ. თუმცა, ცხადია, ნაკერის პროფილის დამონტაჟებასაც პროფესიონალიზმი სჭირდება, რათა სამომავლოდ მისი ხარისხიანი და უსაფრთხო ფუნქციონირება გარანტირებული იყოს.

რატომ ნაკერის პროფილი
ნაკერის პროფილს ძალიან დახვეწილი, ელეგანტური და თანამედროვე დიზაინი აქვს. მისი გამოყენება საშუალებას მოგცემთ, ბუნებრივი ჩრდილებით სრულიად განსხვავებული აქცენტები და ერთგვარი „დაკიდებული ჭერის“ ეფექტი შექმნათ, სხვადასხვა შესაძლებლობა და შემოქმედებითი კომპოზიციები ცადოთ, შედეგად კი, თქვენი ინტერიერი უნიკალური და ორიგინალური გახადოთ.

ნაკერის პროფილი ძალიან საიმედო და ეკონომიურიცაა. მისი გამოყენების შემთხვევაში, განათების ეფექტის შესაქმნელად დამატებითი მასალა ან მოწყობილობები აღარ გჭირდებათ. ასე რომ, პროდუქტი შესანიშნავად მიესადაგება საცხოვრებელი თუ კომერციული სივრცის სხვადასხვა გადაწყვეტილებას, ქმნის დახვეწილ, განუმეორებელ იერსა და ატმოსფეროს, რომელიც თქვენი სურვილებისა და გემოვნების შესაბამისი იქნება.

აღსანიშნავია ისიც, რომ პროფილის გამოყენება LED განათების ხაზთან ერთადაც შეგიძლიათ როგორც მთლიან სიგრძეზე, ისე ლოკალურად, სასურველ ადგილებში. 12.44 მილიმეტრამდე სიგანის ლენტი და გამანაწილებლები მის სიბრტყეში მთლიანად თავსდება და შეუმჩნეველი რჩება, საჭიროების შემთხვევაში კი ძალიან მარტივად იცვლება.

რა თქმა უნდა, ჰიპერმარკეტ „დომინოში“ ალუმინის ნაკერის პროფილების არჩევანიც გვაქვს. გვეწვიეთ და დეტალური რეკომენდაციები ჩვენი კონსულტანტებისგანაც მოისმინეთ.