გვიახლოვდება პიკნიკების სეზონი - ყველაზე სასიამოვნო დრო ოჯახური ბარბექიუსთვის სადმე ბუნებაში ან აგარაკზე. პირველი, რაც ამისთვის საჭიროა - გრილია. გაზის გრილებზე უკვე ვისაუბრეთ, დღეს კი განვიხილავთ ნახშირის გრილებს.

ნახშირის გრილების უპირატესობების შესახებ ბევრი საუბარი შეიძლება, ამიტომ დღეს ჩვენ ყურადღებას გავამახვილებთ იმ ძირითად ასპექტებზე, რითაც უნდა იხელმძღვანელოთ გრილის შერჩევის დროს. მაგალითად, მნიშვნელოვანია, რომ გადაადგილებისთვის გრილი აღჭურვილია ბორბლებით და, ამავე დროს, მდგრადობისთვის აქვს ფეხებიც. ასევე აღსანიშნავია ნახშირის შედარებით დაბალი ფასი და ისიც, რომ იგი ადვილად იშოვება. სტარტერში ნახშირის გასახურებლად გამოიყენება სპირტის აბები (მშრალი სპირტი) ან წალამი, ნაფოტები, ნახერხი და სხვა, ანუ საკმაოდ ხელმისაწვდომი მასალები.

როგორც კი ნახშირი სტარტერში კარგად გაცხელდება, შეგიძლიათ გადმოიტანოთ იგი გრილის გისოსზე. კარგი წვისთვის მნიშვნელოვანია ჟანგბადის მიწოდება. ამისთვის ყველა გრილს აქვს სპეციალური ხვრელები (სარქველები), საიდანაც გავარვარებულ ნახშირთან მიეწოდება ჰაერი. ასევე აქვს მბრუნავი ფირფიტა, რომლის გადაწევით შეაჩერებთ ნახშირის წვას. დღესდღეობით არსებულ გრილთა შორის ყველაზე პოპულარულია ორი ტიპი - კლასიკური და ბარელური. ორივე მუშაობს ერთი პრინციპით, ანუ პროდუქტი მზადდება ნახშირის მიერ გამოყოფილი სიმხურვალის ხარჯზე.

კლასიკური გრილი არის სფერული ფორმის. მას გააჩნია სპეციალური გისოსები - ერთზე ლაგდება გახურებული ნახშირი, მეორეზე უშუალოდ მოსამზადებელი პროდუქტები. კლასიკურ გრილებს  ჰაერის მისაწოდებელი სარქველები აქვს ქვედა ნაწილში. იქვე განლაგებულია სანაცრე - ჭურჭელი, რომელშიც იყრება ნახშირის ნაცარი. როგორც წესი, კლასიკური გრილი ძირითადად გამოიყენება კერძების შესაწვავად. თუ გსურთ სხვადასხვა პროდუქტების შებოლვა, ყურადღება მიაქციეთ ბარელურ გრილს.

ბარელური გრილი არის ცილინდრული ფორმის. ხშირ შემთხვევაში იგი შედგება ორი ერთმანეთდაკავშირებული ნაწილისგან, ანუ დიდი და პატარა კამერებისგან. კლასიკური გრილებისგან განსხვავებით, ბარელურ გრილში შებოლვა შესაძლებელია ცხელი და ცივი წესით. ბარელურ გრილში ჰაერი მოძრაობას იწყებს გვერდებიდან, პატარა კამერის გავლით. რა თქმა უნდა, ამგვარ გრილში თქვენ შეგიძლიათ პროდუქტების შეწვაც. ასევე ბარელურ გრილებს აქვთ საკვამლე მილი.

ზემოთ ხსენებული გრილების ორივე ტიპს ზედა ნაწილში აქვს პატარა გისოსი ხილ-ბოსტნეულისთვის. კულინარულ შესაძლებლობებს ასევე გააფართოებთ სხვადასხვა აქსესუარების დახმარებით (ქათმის როსტერი, სამწვადე შამფურები, პიცის ქვა და სხვა).

გაწმენდა. ზედმეტია იმის თქმა, რომ გრილის გამოსაყენებელ მდგომარეობაში შენარჩუნებისთვის ზემნიშვნელოვანია მისი სწორი მოვლა. ამისთვის არსებობს უამრავი ხელსაწყო, ჯაგრისი და ა. შ., არსებობს ნაცრის მოსაშორებელი სპეციალური მტვერსასრუტიც კი.

სტატიის დასრულებისას აღვნიშნავთ, რომ კონკრეტული გრილის შერჩევა დამოკიდებულია მხოლოდ თქვენს კულინარულ სურვილებზე, შესაძლებლობებსა და პირობებზე.

მოცემულ ცხრილში ნაჩვენებია გაზის და ნახშირის გრილების ძირითადი უპირატესობები.

იმედი გვაქვს, რომ ჩვენი სტატიების დახმარებით  გააკეთებთ სწორ არჩევანს და თქვენი დასვენება ახლობლებთან იქნება დაუვიწყარი, ჩვენი საიტი კი მუდამ თქვენს განკარგულებაშია. ჩვენ გვაქს არა მხოლოდ სხვადასხვა ტიპის გრილები, არამედ საჭირო აქსესუარების ფართო არჩევანიც.

„დომინო“ წარმატებებს გისურვებთ!