შეუმჩნევლად ზაფხულიც დადგა, გართობის, დასვენების და გარუჯვის პერიოდი. ალბათ უმეტესობას უყვარს ზაფხული, მაგრამ სიცხეც არ დაგვავიწყდეს. ამ სტატიაში განვიხილავთ კონდიციონერს, ცხელი რეგიონების საუკეთესო მეგობარს.

პირველ რიგში განსაზღვრეთ, რა შედეგის მიღება გსურთ კლიმატური ტექნიკისგან, ანუ თქვენ მას გამოიყენებთ მხოლოდ ჰაერის გაგრილებისთვის, თუ გჭირდებათ ისეთი მოწყობილობა, რომელიც მთელი წლის მანძილზე უზრუნველჰყოფს ოთახში საჭირო ტემპერატურას - სპლიტ-სისტემა, რომელიც ზამთარში ათბობს ჰაერს, ხოლო ზაფრულში კი აგრილებს.

კონდიციონერის შეძენისას თქვენ უნდა იცოდეთ ოთახის/ბინის კვადრატულობა და შეარჩიოთ ისეთი დანადგარი, რომელიც მოემსახურება მას და შეგიქმნით კომფორტულ ტემპერატურას. ამასთან უნდა იცოდეთ კედლების და ფანჯრების სიმაღლე და მზის გამოსხივება.

კონდიციონერის სიმძლავრე იზომება BTU ერთეულით. მაგალითად, კონდიციონერი, რომლის მაჩვენებელი არის 1000 BTU, ემსახურება ფართობს დაახლოებთ 3 მ²-მდე.

სპლიტ-სისტემა აგრილებს იმ შემთხვევაში, თუ გარე ჰაერის ტემპერატურა მერყეობს +18-დან +45° C ფარგლებში. ზამთარში სპლიტ-სისტემით ჰაერის გათბობა შესაძლებელია, თუ გარე ჰაერის ტემპერატურა მერყეობს +18-დან -5° C-მდე.

კომპრესორის მუშაობის ტიპის მიხედვით განასხვავებენ on/off და ინვერტორულ კონდიციონერებს. On/off აღჭურვილია მოწყობილობის ავტომატური ჩართვა/გამორთვის სისტემით, მარტივად რომ ვთქვათ, კონდიციონერი აგრილებს ჰაერს გარკვეულ ტემპერატურამდე, შემდგომ კი ავტომატურად ითიშება. როგორც კი ჰაერის ტემპერატურა მატულობს, კონდიციონერი ჩაირთვება და ისევ გააგრილებს ჰაერს.

On/off კონდიციონერისგან განსხვავებით, ინვერტორული მიიყვანს ჰაერის ტემპერატურას სამიზნე ნიშნულამდე და სტაბილურად ინარჩუნებს სასურველ სიგრილეს. ამ ფაქტორის ხარჯზე ინვერტორული კონდიციონერი ხასიათდება შედარებით დაბალი ენერგომოხმარებით და თვის ბოლოს ელექტრომომარაგების გადასახდელი თანხა არ აგაშფოთებთ.

აწარმოებენ ასევე მობილურ კონდიციონერებს, რომლებიც არ საჭიროებენ მონტაჟს. პორტატული დანადგარებია გორგოლაჭებით მარტივი ტრანსპორტირებისთვის.

ყველა თანამედროვე კონდიციონერი აღჭურვილია ჰაერის იონიზაციის და ფილტრაციის სისტემებით. ფილტრი იკავებს ჰაერში მოფარფატე მტვერს და სხვა მიკრონაწილაკებს. ბევრ კონდიციონერს გააჩნია ფილტრების თვითგაწმენდის ფუნქცია, მარგამ იმ შემთხვევაშიც, თუ კონდიციონერს არ გააჩნია ეს ფუნქცია, ფილტრის რეცხვა არ წარმოადგენს დიდ სირთულეს. მისი ამოღება ძალზედ მარტივია - ახადეთ მოწყობილობას თავსახური, ამოიღეთ ფილტრები, კარგად გარეცხეთ, გააშრეთ და უკან დააბრუნეთ. რა თქმა უნდა, კონდიციონერი ამ დროს ელექტროქსელიდან გამოერთებული უნდა იყოს.

არ უნდა დაუშვათ ფილტრის დაბინძურება, ვინაიდან ამ დროს მის ზედაპირზე იწყება მავნე ბაქტერიების კოლონიების განვითარება. კონდიციონერი მუშაობის დროს უშვებს გაგრილებულ და ამავდროულად, ბაქტერიებით გაჯერებულ ჰაერს, რაც ადამიანს საფრთხეს უქმნის. აქვე ვიტყვით, რომ იმ ოთახში, სადაც კონდიციონერი გაქვთ, არ შეიძლება მოწევა, ვინაიდან ესეც ფილტრებს ანაგვიანებს. სასურველია პერიოდულად (მინიმუმ 2-3 დღეში ერთხელ) ოთახის განიავება.

არანკლებ მნიშვნელოვანი ფაქტორი არის კონდიციონერის ხმაურის დონე. თუ on/off და ინვერტორულ კონდიციონერებს ერთმანეთს შევადარებთ, პირველი უფრო ხმაურიანია, თუმცა გარკვეულ სიტუაციებში ეს არ შეგიქმნით საგრძნობ დისკომფორტს.

რა თქმა უნდა, კონდიციონიერი კარგად შესწავლილი მოწყობილობაა, მაგრამ მიუხედავად ამისა აუცილებლად ყოველთვის გაეცანით მწარმოებლის ინსტრუქციას.

ჩვენი ინტერნეტ-მაღაზია გთავაზობთ სხვადასხვა კონდიციონერების მშვენიერ არჩევანს.

„დომინო“ წარმატებებს გისურვებთ!