ზაფხულის პაპანაქებაში ერთ-ერთი ყველაზე აქტუალური და სასიამოვნო სივრცე აუზია — საუკეთესო ადგილი გაგრილებისთვის, დასვენებისა და გართობისთვის. თუმცა, ამავდროულად, ძალიან მნიშვნელოვანია ის მოვლილი და სუფთა იყოს, რაც საკმაოდ საპასუხისმგებლო საქმიანობაა და გარკვეულ ცოდნასაც მოითხოვს.

ჩვენს ახალ ბლოგპოსტში გაგიზიარებთ რჩევებს, რომლებიც დაგეხმარებათ, აუზზე დრო არა მარტო სასიამოვნოდ, არამედ უსაფრთხოდაც გაატაროთ.

რა დაგჭირდებათ აუზის სისუფთავისთვის

მოვლილი აუზი აუცილებლად გულისხმობს კარგ და ხარისხიან ტუმბო-ფილტრებს, ფილტრებსა და ფილტრ-კარტრიჯებს. ცალკე შეგიძლიათ, შეიძინოთ კარტრიჯიც, რომელიც უმარტივესად იცვლება. მნიშვნელოვანია, რომ ყველა მათგანი გამართულად მუშაობდეს, რეგულარულად მოწმდებოდეს და, საჭიროებისამებრ, იცვლებოდეს კიდეც. ამ რეკომენდაციის შესრულებაზე უარს ნუ იტყვით, ტუმბოსა და ფილტრის მუშაობას ყოველთვის განსაკუთრებული ყურადღებით მოეკიდეთ, ფილტრები კი გასაბერ აუზებშიც გამოიყენეთ.

სისუფთავის შესანარჩუნებლად, ძალიან გამოგადგებათ მდგრადი და გამძლე მასალისგან დამზადებული ტენტი ან გადასაფარებელი, რომელიც აუზს მტვრისგან, ფოთლებისგან, ულტრაიისფერი გამოსხივებისა და დაზიანებისგან იცავს. თანაც, ზოგიერთი მათგანი წყალს ტემპერატურას უნარჩუნებს და ათბობს კიდეც. სხვათა შორის, ტენტები გასაბერი აუზებისთვისაც არსებობს და  განსაკუთრებით ცუდ ამინდსა და ზამთრის სეზონზეა მოსახერხებელი. გაითვალისწინეთ, რომ ის აუზის კიდეებს ბოლომდე უნდა ფარავდეს.  დაბინძურებისა და დაზიანებისგან მის სრულყოფილ დაცვას მხოლოდ ამგვარად შეძლებთ.

სისუფთავის შენარჩუნებაში დაგეხმარებათ სკიმერი, რომელიც წყლის ზედა ფენას წმენდს და სპეციალური ძაბრის მეშვეობით, ფილტრის სისტემას მცირე ნარჩენების შეღწევისგან იცავს. ამას გარდა, განსაკუთრებით პრაქტიკულია საწმენდი ნაკრებები, რომლებიც ბადეებსა და ჯაგრისებს აერთიანებს. ამ ნაკრებებში ვაკუუმის საცმებსაც ნახავთ, რომლებსაც აუზის ძირის საწმენდად გამოიყენებთ.

თუ მოწყობილობებს მოიმარაგებთ, აუზის წყლის სისუფთავისა და უსაფრთხოების შენარჩუნებას მარტივად შეძლებთ.

დამატებითი რჩევები

გახსოვდეთ, რომ წყლის სისუფთავის დაცვა და ფილტრაცია ყოველდღიურადაა საჭირო. მნიშვნელობა არ აქვს, იყენებთ, თუ არა აუზს, ის ყოველთვის მოვლილი უნდა იყოს.

ფილტრაციის სისტემა აუზის ტიპის, მისი ზომისა და წყლის მოცულობის მიხედვით შეარჩიეთ. გაითვალისწინეთ, რომ მან აუზის წყალი დღე-ღამეში 3-ჯერ მაინც უნდა გაფილტროს.

წყლის უსაფრთხოებისთვის ფილტრაცია საკმარისი არ არის: აუცილებლად დაგჭირდებათ ქიმიური პროდუქტებიც, რომლებიც წყალს ბაქტერიებისგან გაასუფთავებენ და იდეალურ სისუფთავის შენარჩუნებაში დაგეხმარებიან.

განსაკუთრებული ყურადღება მიაქციეთ გასაბერ აუზს: ის გამოყენებასა და შენახვამდე კარგად გარეცხეთ, საფუძვლიანად გააშრეთ და მშრალ ადგილას მოათავსეთ.

გახსოვდეთ, რომ თუ აუზს კარგად მოუვლით, წყლის გამოცვლა ხშირად არ დაგჭირდებათ.

რა თქმა უნდა, მნიშვნელოვანია თავად აუზის შერჩევაც. „დომინოში“ კარკასული და გასაბერი აუზების მრავალფეროვან არჩევანსაც აღმოაჩენთ და მათი მოვლისთვის საჭირო მოწყობილობებსა თუ საშუალებებსაც. გვესტუმრეთ და ჩვენს კონსულტანტებთან ერთად ოპტიმალურ გადაწყვეტილებას აუცილებლად იპოვით.