ჯანსაღი და სუფთა წყალი თითოეული ჩვენგანისთვის სასიცოცხლოდ მნიშვნელოვანია. ბოლო პერიოდში განსაკუთრებით აქტუალური გახდა საყოფაცხოვრებო პირობებში ონკანის წყლის გაფილტვრა, შესაბამისი მრავალფეროვანი შესაძლებლობებიც გაჩნდა და მათზე მოთხოვნაც გაიზარდა.

ამ ბლოგპოსტში გაფილტრული წყლის უპირატესობებზე გიამბობთ. მოგიყვებით, როგორ აუმჯობესებს ის ცხოვრების ხარისხს, რამდენად ეკონომიურია საბოლოოდ მისი გამოყენება და, რა თქმა უნდა, სასარგებლო რეკომენდაციებსაც გაგაცნობთ.

რატომ გჭირდებათ წყლის ფილტრაცია

შეგიმჩნევიათ ლაქები, რომლებსაც წყალი თქვენს ჭურჭელზე, ნიჟარასა და ონკანზე ტოვებს, ან აღმოგიჩენიათ ნადები საყვარელ ჩაიდანსა თუ ყავის აპარატზე? დიდი ალბათობით, კი. წყალი, რომელიც ჩვენი ონკანებიდან მოდის, ქლორს, მძიმე ლითონებსა და მინერალებს შეიცავს და ეს ლაქებიც სწორედ ამის დასტურია. წყლის ფილტრაციის თანამედროვე სისტემები კი არა მარტო მათგან წმენდს წყალს, არამედ ბაქტერიების, ვირუსების, ტოქსინებისა და ალერგენებისგანაც ასუფთავებს, აშორებს სუნს, აუმჯობესებს გემოს და მას კიდევ უფრო ჯანსაღსა და სასარგებლოს ხდის ორგანიზმისთვის, განსაკუთრებით კი თმისა და კანისთვის.

ჯანმრთელობაზე ზრუნვასთან ერთად, წყლის ფილტრაცია იცავს ნადებისგან თქვენს ჭურჭელსა და საყოფაცხოვრებო ტექნიკას — ჭურჭლისა და სარეცხის მანქანებს, ყავის აპარატსა და უთოსაც კი, ზრდის მათი გამოყენების ხანგრძლივობას, პროდუქტიულობისა და ფუნქციონირების ხარისხს. ამას გარდა, გაფილტრული წყლით გარეცხილი ტანსაცმელი თუ თეთრეული გაცილებით დიდხანს ინარჩუნებს ფერსა და ფორმას. მისი დახმარებით მომზადებული კერძები და სასმელები კი მეტად გემრიელი, არომატული და, რა თქმა უნდა, ჯანსაღია.

ფილტრაციის სისტემა, რომელიც დიდ ადგილს ნამდვილად არ იკავებს, ყოველდღიურ ხარჯებსაც ზოგავს, რადგან მისი გამოყენების შემდეგ პლასტმასის ბოთლებით სასმელი წყლის შეძენა აღარ გჭირდებათ. ეს კი არა მარტო ფინანსურად მომგებიანი, არამედ ეკოლოგიური თვალსაზრისითაც გამართლებული გადაწყვეტილებაა. ნაკლები პლასტმასის გამოყენებით, გარემოს ნაკლებ ზიანს აყენებთ და მას დაბინძურებისგანაც იცავთ.

გაითვალისწინეთ, რომ განსაკუთრებით მნიშვნელოვანი წყლის ფილტრაციის სისტემების გამოყენება ჭის წყლის შემთხვევაშია, რადგან ის დიდი რაოდენობით ჯანმრთელობისთვის არასასურველ მინერალებს შეიცავს და, მაღალი სიხისტის გამო, საყოფაცხოვრებო ტექნიკასაც მეტად აზიანებს. ამას გარდა, წყლის ფილტრაციის სისტემა მცირე საწარმოებისა და კომპანიებისთვისაც არსებობს და მათი საქმიანობისთვისაც ძალიან სასარგებლო შედეგების მომტანია.

რომელი სისტემაა თქვენთვის ოპტიმალური

დღესდღეობით მწარმოებლები მომხმარებლებს სხვადასხვა ტიპის, მრავალფეროვან სისტემებსა და აქსესუარებს სთავაზობენ. დასაწყისისთვის უნდა გადაწყვიტოთ, ერთ წერტილზე გსურთ წყლის ფილტრაცია თუ მთლიან სახლში. თუ წერტილოვანს აირჩევთ, სისტემა სამზარეულოს ნიჟარის ქვემოთ დამონტაჟდება და სასმელ და საკვების მოსამზადებელ წყალს გაგიფილტრავთ. ამ შემთხვევაში ორი არჩევანი გაქვთ: ულტრაფილტრაციის სისტემა და უკუოსმოსის ფილტრაცია. პირველი მათგანი წყალს ეფექტიანად ფილტრავს, ბაქტერიებისგანაც ასუფთავებს და უფრო ბიუჯეტურია, თუმცა მეტად მაღალი სტანდარტს წარმოადგენს უკუოსმოსის ფილტრაცია, რომელიც არა მარტო წმენდს წყალს, არბილებს კიდეც მას და სასარგებლო თვისებებსაც მატებს.

რაც შეეხება ცენტრალური მილის ფილტრაციას, ამ შემთხვევაში გაფილტრული წყალი მთელ სახლში გექნებათ. მისი შერჩევისას გადაწყვეტილების მიღება კი წარმადობის, წყლის მოხმარებისა და კონკრეტული საჭიროების მიხედვით მოგიწევთ. ცენტრალური მილის ფილტრაციის სისტემის ფუნქციონალი მრავალფეროვანია: ზოგი ბაქტერიებისგან წმენდს წყალს, ზოგი მინარევებისგან, ზოგიც მის სიხისტეს ამცირებს, თუმცა არსებობს მოწყობილობებიც, რომლებიც ამ ფუნქციებს აერთიანებს. გაითვალისწინეთ, რომ ცენტრალური მილის ფილტრაციის სისტემების გამოყენება მაინც უფრო კერძო სახლებისა და აგარაკების შემთხვევაშია ოპტიმალური.

სხვათა შორის, წყლის ფილტრაციისთვის არსებობს ძალიან მარტივი გადაწყვეტილებებიც, რომლებიც ბიუჯეტური და ეფექტიანია. მაგალითად, ფილტრი დოქები და მრავალჯერადი ფილტრი ბოთლები. ფილტრი დოქები შეიცავს სპეციალურ მექანიზმს, რომლის დახმარებითაც გარკვეული რაოდენობის წყლის ფილტრაციის პროცესი მარტივად მიმდინარეობს. ისინი გამოსაყენებლადაც კომფორტულია და მოსავლელადაც. ამას გარდა, დოქებს აქვს ინდიკატორები — ერთგვარი მანიშნებლები, რომლებიც თავად შეგახსენებენ, რომ კარტრიჯის გამოცვლაა საჭირო.

მრავალჯერადი ფილტრი ბოთლების გამოყენება კი ყოველდღიურად, ჯანსაღი სასმელი წყლის მისართმევად შეგიძლიათ. გათვალისწინეთ, რომ ბუნებაში სალაშქროდ ყოფნის დროს ან ჰაიკინგისას ისინი არა მარტო სასარგებლო, არამედ აუცილებელიცაა, ამიტომ თუ ამ ჰობით ხართ გატაცებული, მობილური ფილტრი ბოთლი თქვენი აუცილებელი თანამგზავრი უნდა იყოს.

საბოლოოდ, ფილტრი დოქებისა და ფილტრი ბოთლების გამოყენებით, ზოგადად ფილტრაციის გამოყენების სარგებლიანობასაც დატესტავთ და უფრო მასშტაბური სისტემის შესაძენად, გადაწყვეტილებას საკუთარ გამოცდილებაზე დაყრდნობით მიიღებთ.

ჰიპერმარკეტ „დომინოში“ წყლის ფილტრაციის სისტემების მრავალფეროვანი არჩევანი გვაქვს. ჩვენი კონსულტანტები კი მზად არიან, თქვენს საჭიროებებზე მორგებული, ოპტიმალური გადაწყვეტილების მიღებაში დაგეხმარონ და მათი გამოყენების სპეციფიკაც დეტალურად აგიხსნან.