სამზარეულოს, სახლის სხვა ოთახებთან შედარებით, განსხვავებული „მიკროკლიმატი“ აქვს. სამზარეულოში ყოველდღიურად ვხვდებით ისეთ პრობლემებს, როგორიც არის ცხიმი, ნესტი და სხვა უსიამოვნო ფაქტორი. აქედან გამომდინარე სამზარეულოს იატაკისთვის უნდა შევარჩიოთ მაქსიმალურად მარტივად მოსავლელი და გამძლე მასალა. ამ სტატიაში ვისაუბრებთ სამზარეულოს იატაკისთვის შესაფერისი საფარის სახეობებზე, რომლებიც საკმაოდ ფართოდ გამოიყენება.

• კერამიკული ფილა და კერამოგრანიტი.

კერამიკული ფილა იატაკის საფარის სფეროში ლიდერად ითვლება, კერამოგრანიტიც ბოლო პერიოდში არანაკლებ პოპულარობას იძენს. აღნიშნულ მასალებს ბევრი დადებითი მხარე გააჩნია - მარტივია მოსავლელად, აქვს ასორტიმენტის ფართო არჩევანი, იწარმოება სხვადასხვა ფაქტურითა და დიზაინით. გარდა ამისა, კერამიკულ ფილას გააჩნია სიმტკიცის და ცვეთამედეგობის მაღალი მახასიათებლები, მასზე არანაირად არ მოქმედებს ტემპერატურის ცვალებადობა, არის ნესტგამძლე, მოვლის მხრივაც მარტივია, შეგიძლიათ უბრალოდ გამოიყენოთ ნებისმიერი სარეცხი საშუალება.

• ლამინატი.

წლების მანძილზე ლამინატი დაიხვეწა ისეთ დონემდე, რომ მისი დაგება შესაძლებელია უკვე სამზარეულოშიც კი. დაყოფილია კლასებად და ყოველი მათგანი პასუხობს ყველა საჭირო მოთხოვნას. მიიჩნევა, რომ ამგვარი საფარი არ არის ნესტგამძლე, მაგრამ ლამინატის თანამედროვე სახეობებს გააჩნიათ სპეციალური კონსტრუქციის საიმედო ჩამკეტი კიდეები, რის გამოც სითხე ვერ აღწევს შეერთების ადგილებში. რჩევა დომინოსგან - სასურველია ლამინატის შეერთების ადგილების დამუშავება Click Guard MUCG ჰერმეტიკით.

• ლინოლეუმი

პოპულარული და საყოველთაოდ გამოყენებადი საფარია, რომელიც მუდამ რჩება მომთხოვნადი. მას სხვადასხვა ფაქტურებით (ფილა ან პარკეტი) აწარმოებენ. გამოირჩევა მარტივი მოვლით, გააჩნია წყალგაუმტარობის მაღალი დონე. ლინოლეუმი სამ ტიპად იყოფა: საყოფაცხოვრებო, კომერციული და ნახევრად კომერციული. სამზარეულოში შეგიძლიათ გამოიყენოთ როგორც საყოფაცხოვრებო, ასევე ნახევრად კომერციული ვარიანტი. მისთვის განკუთვნილია «Soudal»-ის წებო და კონკრეტულად ლინოლეუმისთვის «Kerakoll»-ის წებო.

• ვინილის იატაკი (LVT)

ნაკლებად ცნობილია, მაგრამ მოთხოვნა აქტიურად მატულობს. მას გააჩნია ყველა ის ტექნიკური მახასიათებელი, რომელიც უნდა ჰქონდეს სამზარეულოს იატაკს (ნესტგამძლეობა, მარტივი მოვლა, სიმტკიცე, ამტანობა). ტექნიკური პლუსების გარდა, მას ასევე ახასიათებს ფერების მდიდარი პალიტრა და ფაქტურები (ხე, ქვა). LVT-ს დაგება ხდება წებოს მეშვეობით, ასეთ შემთხვევაში შეგვიძლია შემოგთავაზოთ LVT-სთვის სპეციალური წებო: «Bison» და «Kerakoll» ვინილის იატაკისთვის.

გაითვალისწინეთ:

• თუ აპირებთ „თბილი იატაკის“ სისტემის მონტაჟს, გაითვალისწინეთ, რომ კერამიკულის გარდა, ნებისმიერი ზემოთ ხსენებული საფარის ქვეშ, ტემპერატურა არ უნდა აღემატებოდეს 27 °C-ს. კერამიკის შემთხვევაში დასაშვებია 30 °C, ვინაიდან უფრო მაღალი ტემპერატურა ჯანმრთელობისთვის საშიშია.

• ნებისმიერი საფარის წებოზე დაგებისას გახსოვდეთ, რომ წებო უნდა განაწილდეს მთლიან ფართზე და არა წერტილოვნად. ამგვარად თქვენი იატაკის საფარი იდეალურად სწორი იქნება და არ გექნებათ ამობერილი ადგილები.

ჩვენს საიტზე განთავსებულია კერამიკული ფილა, კერამოგრანიტი, ლამინატი, ლინოლეუმი, ვინილის იატაკი, სახარჯი მასალები (ფილის წებო, ლამინატის წებო, ლინოლეუმის წებო, ვინილის იატაკის წებო) და სხვა საჭირო ინვენტარი ნებისმიერი ტიპის სამუშაოებისთვის.

„დომინო“ წარმატებებს გისურვებთ!