კარი არის ნებისმიერი საცხოვრებლის განუყოფელი ელემენტი სივრცეების გამიჯვნისთვის. აღნიშნულ სტატიაში ჩვენ ვისაუბრებთ ოთახშუა კარებზე.

კარის წარმოებისას ძირითადად გამოიყენება ისეთი მასალები, როგორიცაა MDF (Medium Density Fiberboard) და HDF (High Density Fiberboard). ორივე მათგანი წარმოადგენს დაწნეხილ და დაწებებულ მერქანბოჭკოვან ფილას. ეს არის მკვრივი და მტკიცე მასალა, რომელსაც აქვს ექსპლუატაციის ხანგრძლივი ვადა. ამასთან აღსანიშნავია, რომ MDF ასევე არის პლასტიური (დრეკადი) მასალა, რაც შესაძლებელს ქმნის მისთვის სხვადასხვა ფორმის მინიჭებას და ფიგურების ამოჭრას. ეს ძალიან კარგია მათთვის, ვისაც განსაკუთრებუილ კარის შექმნა სურს.  იმის ხარჯზე რომ MDF მარტივად და კარგად იღებს საღებავს, ის ნებისმიერ თქვენთვის სასურველ ფერზე შეიძლება შეიღებოს. ამისათვის, წარმოებისას ხდება მისი დამუშავება, ზედაპირის გასწორება და გლუვ კონდიციამდე მიყვანა, რის შემდეგაც მასალა კარგად შპონირდება და შეგიძლიათ შეღებოთ, მათ შორის ემალით ან ლაქითაც.

წარმოებისას MDF მუშავდება მაღალი ტემპერატურის პირობებში, რის დროსაც გამოიყოფა ბუნებრივი, არასინთეტიკური, შემკვრელი ნივთიერებები, ამით MDF-ის ეკოლოგიურობა მის კიდევ ერთ უპირატესობად ყალიბდება. MDF და HDF პრაქტიკულად არ რეაგირებს ტემპერატურის ცვალებადობაზე, არ იწოვს ტენს, არ იბზარება და არც შრეებად არ იშლება.

გარდა ზემოთხსენებული მასალებისა, კარი ასევე მზადდება ДСП და ДВП საფუძველზე. რა არის ДСП და ДВП? ეს ნახერხისგან ან ბოჭკოებისგან წარმოებული ფილებია. აღნიშნული მასალებისგან ძირითადად მსუბუქ, ეკონომიურ კარებს ამზადებენ. ასევე არსებობს კომბინირებული კარები, რომელიც შედგება ხის ჩარჩოსგან, ДСП ან ДВП-სგან და ასევე MDF პანელისგან. ორივე შემთხვევაში ყურადღება უნდა მივაქციოთ ზედაპირს, რომლის სხვადასხვა ვარიანტი არსებობს.

ბაზარზე წარმოდგენილი ფინიშური გადაკვრებისგან ყველაზე პოპულარულია PVC და პოლიპროპილენი. ორივე მასალა კარგია, რადგან ორივე არის მტკიცე დარტყმების მიმართ, არის ტენგამძლე და არ იცვითება დროთა განმავლობაში. რაც იმას ნიშნავს, რომ კარს არ შეეცვლება ფერი და იგი არ დაიკაწრება. სხვათა შორის, PVC და პოლიპროპილენი კარგად მუშავდება და მისგან იქმნება სხვადასხვანაირი ფაქტურები (ხე, ქვა, ტყავი), რაც მნიშვნელოვანია დიზაინერული გადაწყვეტილებების მიღების დროს.

შედარებით უფრო იშვიათია შპონირებული (შპონით მოპირკეთებული ДСП და ДВП ფუძეები) და მასიური ხის კარი. გაითვალისწინეთ, რომ შპონი არის ფინიშური გადაკვრა, რომელიც უბრალოდ ცვლის კარის დიზაინს და ფაქტურას. იგი არ იცავს კარს, როგორც PVC და პოლიპროპილენი. მასიური ხის კარი არის ეკოლოგიურად სუფთა პროდუქტი და მოითხოვს ყურადღებას და მოვლას. წარმოებისას მას აგლუვებენ, ხოლო შეძენის შემდეგ შეგიძლიათ შეღებოთ ან ლაქით დაამუშაოთ.

ახლა უკვე თამამად შეგვიძლია განვიხილოთ ის ძირითადი პუნქტები, რომლებიც უნდა გაითვალისწინოთ კარის შეძენის დროს.

• ზომა.
გაყიდვაში სტანდარტულად შეხვდებით შემდეგ ზომებს: 700х2000, 800х2000, 700х2150, 800х2150, ხოლო მათთვის საჭირო ღიობის ზომები ასეთია: 800x2050, 900x2050, 800x2200, 900x2200. თუ თქვენი კარის ღიობი არის არასტანდარტული ზომის, საკითხის გადაჭრის ორი ვარიანტი არსებობს - ერთი, მაკომპლექტებლების ზომების გათვალისწინებით, კარის ღიობი უნდა მიიყვანოთ საჭირო ზომებამდე ან მეორე და უფრო მარტივი, შეუკვეთეთ საჭირო ზომების ახალი კარი.

• კომპლექტაცია. 
კარის კომპლექტაცია შედგება რიგი დეტალებისგან. ესენია თამასები, დანამატები, კოლოფები, ანჯამები, საკეტები, სახელურები. მონტაჟისას თამასები და კოლოფები კეთდება ორივე მხრიდან. ანჯამების რაოდენობა სასურველია იყოს 2 ან 3 ცალი. სახელურები და საკეტები რა თქმა უნდა კარის განუყოფელი ნაწილია. საკეტი არის ორნაირი, ჩამკეტი მექანიზმით ან მის გარეშე. არჩევანი თქვენზეა.
• გაღება.
კარის მონტაჟისას კიდევ ერთი მნიშვნელოვანი დეტალი არის გადასაწყვეტი - მისი გაღება, ანუ, კარი იღება მარჯვენა მხარეს თუ მარცხენა მხარეს, ასევე შიგნით თუ გარეთ. ამის შესახებ შეგიძლიათ კონსულტაცია ხელოსანთან გაიაროთ.

სტატიაში ჩვენ განვიხილეთ ოთახშუა კარის შერჩევის ზოგადი პრინციპები. გარკვეულ წილად ეს სტატია დაიწერა ჩვენი მომხმარებლების შეკითხვების საფუძველზე. იმედი გვაქვს, რომ მოცემული ინფორმაცია სასარგებლო იქნება თქვენთვის და სწორ არჩევანს გააკეთებთ. ჩვენს საიტზე კი მოცემულია ყველა საჭირო პროდუქტი - კარები, მაკომპლექტებლები (თამასები, დანამატები, კოლოფები, ანჯამები), საკეტები და ასევე სამაგრები.

 „დომინო“ გისურვებთ წარმატებებს !