ხელსაწყოები, რომლებიც აუცილებლად უნდა გქონდეთ

ძნელად თუ იპოვით ოჯახს, რომელსაც სახლში თუნდაც ერთი ხელსაწყო არ ჰქონდეს და ეს სრულიად ბუნებრივიცაა. არავინ იცის, რა დროს რა დაგჭირდებათ და, თან, მათი დახმარებით, ბევრ რამეს თავს დამოუკიდებლად და მარტივად გაართმევთ.

ასე რომ, მიუხედავად იმისა, გეხერხებათ თუ არა საყოფაცხოვრებო საქმეების კეთება, სასურველია, ერთი სახრახნისი ან ბრტყელტუჩა თაროზე ყოველი შემთხვევისთვის მაინც გედოთ.

და თუ ჯერ ხელსაწყოები არ მოგიმარაგებიათ, ახალ ბლოგპოსტს გაეცანით: ჩვენი რჩევები დაგეხმარებათ, ზუსტად ის ნივთები შეიძინოთ, რომლებიც აუცილებლად გამოგადგებათ.

კიბე

პირველი ნივთი, რაც აუცილებლად დაგჭირდებათ, კიბეა. საკუთარი ხელით ან ხელოსნის დახმარებით რამის შერემონტება, ფარდის დაკიდება თუ უბრალოდ კარადის დალაგება რომ დაგჭირდეთ, კიბე შეუცვლელი და მართლაც ძალიან მოსახერხებელი მოწყობილობაა.

შეგიძლიათ, კიბე თქვენი საჭიროების მიხედვით — სასურველი სიმაღლით, ფერით, მასალითა და კონსტრუქციით აარჩიოთ. გაითვალისწინეთ, რომ უმჯობესია, მას მოცურების საწინააღმდეგო პლატფორმა ჰქონდეს. თუმცა, ხელმისაწვდომია სპეციალური წებოვანი ლენტებიც, რომლებიც კიბეზე სწორედ უსაფრთხოებისთვის მარტივად, ზედმეტი ძალისხმევის გარეშე მაგრდება.

სახრახნისი

კიდევ ერთი პოპულარული, მრავალფუნქციური და ხშირად გამოსაყენებელი ხელსაწყო სახრახნისია. სხვადასხვა ზომისა და ფორმის მოწყობილობა დაგეხმარებათ, ნივთების ან ტექნიკის დაშლისა და აწყობისას ხრახნები მარტივად მოხსნათ და დაამაგროთ.

გარდა იმისა, რომ დღესდღეობით სახრახნისების მართლაც ფართო არჩევანია, შეგიძლიათ, სპეციალური კომპლექტიც შეიძინოთ, რომელშიც განსხვავებული მოწყობილობების ნაკრები ერთად იქნება თავმოყრილი.

სხვათა შორის, არსებობს ტესტერი სახრახნისებიც, რომლებიც, საჭიროების შემთხვევაში, უსაფრთხოების დასაცავად, ელექტრული წრედების შესამოწმებლადაც გამოგადგებათ.

ქანჩის გასაღები

სპეციალური გასაღები მოსახერხებელი ხელსაწყოა და ქანჩების დასამაგრებლად და მოსაშვებად გამოიყენება. როგორც სახრახნისები, ისინიც სხვადასხვა დანიშნულების, ზომისა და ფორმისაა, ამიტომ სასურველის შერჩევა თქვენზეა დამოკიდებული.

ბოლო წლებში აქტუალურია ფოლადისგან დამზადებული უნივერსალური, რეგულირებადი და კომბინირებული ქანჩის გასაღებები, რომლებიც ერთდროულად რამდენიმე განსხვავებულ ზომასა და ფორმას აერთიანებს. მწარმოებლები გვთავაზობენ ქანჩის გასაღებების ნაკრებებსაც, თუმცა ისინი მაინც უფრო პროფესიონალებისთვისაა განკუთვნილი და არა - სახლისთვის.

ბრტყელტუჩა

მრავალფუნქციური ბრტყელტუჩა არაერთი საშინაო საქმის შესრულების დროს შეუცვლელი ხელსაწყოა. მისი დახმარებით, მარტივადაა შესაძლებელი ლურსმნის ამოღება, ლითონის საგნების მოჭერა, მავთულის დაჭრა ან მისთვის სასურველი ფორმის მიცემა, ამიტომ ის განსაკუთრებით სანტექნიკასა და ელექტრობაში გამოიყენება.

ძირითადად, პოპულარულია ერთი, სტანდარტული ზომისა და ფორმის ბრტყელტუჩაა, თუმცა გაითვალისწინეთ, რომ არსებობს სამეულიც, რომელიც კიდევ უფრო პრაქტიკული და ფუნქციურია.  

ჩაქუჩი

დიდი ალბათობით, თუნდაც მცირე ზომის ჩაქუჩი ერთხელ მაინც აუცილებლად დაგჭირდებათ, ამიტომ ეს ხელსაწყოც აუცილებელი ნივთების სიაშია.

ჩაქუჩის შერჩევაც თქვენი სურვილისა და დანიშნულების მიხედვით შეგიძლიათ. არსებობს რეზინისა და ლითონისგან დამზადებული ხელსაწყოები და კომბინირებული ჩაქუჩები, რომლებიც ლურსმნის ამოსაძრობის ფუნქციასაც ასრულებს.

წვრილი ხელსაწყოები

რასაკვირველია, არ უნდა დაგავიწყდეთ სხვა გამოსადეგი ნივთებიც. მაგალითად, მრავალფეროვანი საზომები, რომლებიც მართლაც ხშირად დაგჭირდებათ, ლურსმნები, ჭანჭიკები და დიუბელები, წებოვანი ლენტები და საიზოლაციო ლენტები ყოველი შემთხვევისთვის. გირჩევთ, აუცილებლად შეიძინოთ საკანალიზაციო სატუმბი, რომელიც სულ რამდენიმე წუთში შეძლებს მილის გამტარობის აღდგენას.

ხელსაწყოების ნაკრებები

ცალკეული ხელსაწყოების ნაკრებებზე უკვე მოგიყევით, თუმცა არსებობს შერეული, მრავალფუნქციური კომპლექტებიც, რომლებშიც სახრახნისები, ბრტყელტუჩა, ჩაქუჩი და და სხვა საჭირო, პრაქტიკული ნივთები ერთადაა თავმოყრილი. რა თქმა უნდა, ასეთი ნაკრების შეძენა ზოგჯერ ბევრად კომფორტული და მოსახერხებელია.

და ბოლოს, ჰიპერმარკეტ „დომინოში“ 12 და 13 ოქტომბერს ინსტრუმენტების ფესტივალი გვაქვს, რაც იმას ნიშნავს, რომ ჩვენს ფილიალებში მოსულებს, ხელსაწყოებზე განსაკუთრებული, 40%-მდე ფასდაკლება დაგხვდებათ. დომინოს კონსულტანტების დეტალური რეკომენდაციები კი მართლაც სასარგებლო და ოპტიმალური ნივთების შერჩევაში დაგეხმარებათ.