მწვანე მეგობრების სასარგებლო და ესთეტიკური მნიშვნელობა უდავოა, მაგრამ ისინი სათუთ შერჩევას მოითხოვენ. რამოდენიმე ქოთანს შეუძლია უამრავი პრობლემის გადაჭრა - სამუშაო ადგილზე კომფორტის და სიმყუდროვის შექმნა, განსაკუთრებით დიდ კაბინეტებში, სადაც მუშაობს რამდენიმე ადამიანი და სათავსი რეგულარულად არ ნიავდება. ასევე დაგეხმარებათ თანამშრომლების განწყობის და მწარმოებლობის გაუმჯობესებაში.
მცენარეების შერჩევისას უნდა განსაზღვროთ ადგილი, რომლის გამოყოფა გსურთ მცენარის დახმარებით, ყურადღება მიაქციეთ სათავსის საერთო სტილს, გადაწყვიტეთ, სად მოათავსებთ მცენარეებს - მაგიდაზე, იატაკზე თუ ფანჯრის რაფაზე. გახსოვდეთ, რომ ყველა მცენარეს უყვარს სინათლე, მორწყვა და სტაბილური ტემპერატურა. თუმცა არსებობენ ისეთი მცენარეები, რომლებს არ სჭირდებათ მუდმივი ყურადღება.

ტოპ მცენარეები ოფისისთვის: 

ქლოროფიტუმი არ მოითხოვს განსაკუთრებულ მოვლას. სხვა მცენარეებთან შედარებით უფრო ეფექტურად ასუფთავებს ჰაერს. შთანთქავს ტოქსინებს, ებრძვის ობს და მავნე ბაქტერიებს.

	სპატიფილუმი ნაზი თეთრი ყვავილები აცოცხლებს ოფისებს, ჰოლებს, საკონფერენციო დარბაზებს. უპირატესობათა შორის არის არა მარტო ბრწყინვალე იერსახე, არამედ მავნე მიკროორგანიზმებთან, ობის სპორებთან ბრძოლა.

	ციტრუსიანები. ყველა ციტრუსიანი ადეზინფიცირებს ჰაერს და გამოყოფს არომატულ ზეთებს, რომელიც ამშვიდებს ნერვულ სისტემას. შესანიშნავი გადაწყვეტილებაა კაბინეტისთვის, სადაც მუშაობს დიდი კოლექტივი.

პელარგონია. გერანისებრთა ოჯახის წარმომადგენელი. მშვენივრად გამოიყურება ოფისის ინტერიერში.არ მოითხოვს განსაკუთრებულ მოვლას.

კვიპაროსი. გამოირჩევა შესანიშნავი დეკორატიული იერსახით. ჯუჯა ფორმები კარგად ერგება ოფისის ინტერიერს.

სანსევიერია. სუკულენტური მცენარე. აქტიურად გამოყოფს ჟანგბადს და შთანქავს ჰაერიდან ჯანმრთელობისთვის მავნე ნივთიერებებს.

მცენარეები სამუშაო მაგიდისთვის

კარგი ბუნებრივი განათების პირობებში ყველაზე ოპტიმალურ ვარიანტად ითვლება სუკულენტები, მაგალითად კაქტუსები, რომელიც შთანთქავს ორგტექნიკის ნეგატიურ ენერგიას. ფორმების და სახეობების სიმრავლე შესაძლებლად ქმნის ნებისმიერ გემოვნებაზე კაქტუსის შერჩევას. ფულის ხე, ანუ იგივე კრასულა - სუკულენტური მცენარეების კიდევ ერთი სახეობაა, რომელიც სამუშაო მაგიდისთვის მშვენიერი ვარიანტია. მისი სქელი ფოთლები არის საუკეთესო გამწმენდი ფილტრი. გარდა ამისა, მარტივი და ერთნაირი მოვლის წესების ხარჯზე თქვენ შეგიძლიათ შექმნათ საინტერესო კომპოზიციები სხვადასხვა სუკულენტებით, მაგალითად ფლორარიუმი, რომელსაც აქვს საკმაოდ ეფექტური იერსახე. მინიატურული ორქიდეებიც შესანიშნავად მოერგება სამუშაო გარემოს. უკეთესია პასტელური ფერების ყვავილების შერჩევა, რადგან ის არ აღიზიანებს თვალს და ზედმეტ ყურადღებას არ იზიდავს. დრაცენა ასევე შეიძლება გახდეს ნებისმიერი სათავსის მშვენიერ ელემენტად. მცენარეები ოფისში არის სტილი, სილამაზე და სარგებელი. ბრიტანული მეცნიერების მიერ დადგინდა, რომ მოლაპარაკებებს, რომელიც ჩატარდა სათავსებში ცოცხალი მცეენარეებით, უფრო ხშირად გამოუღია წარმატებული შედეგი, ასე რომ ნუ ართმევთ თავს „მწვანე დახმარებას“.

„დომინო“ წარმატებებს გისურვებთ!