გაზაფხული გვახარებს გამოღვიძებული ბუნების ფერებით, ასევე ჭექა-ქუხილის სურნელებით, მაგრამ იმისთვის, რომ დატკბეთ ამ ყველაფრით და არ მოგიწოთ გუბეებისა და დატბორილი ადგილების აღმოფხვრა, გთავაზობთ მოაწყოთ თქვენს აგარაკზე სადრენაჟე-სანიაღვრე ღარები გისოსებით, ანუ იგივე სადრენაჟე ღარები(ღარი არის არხი, რომელიც მზადდება პლასტიკით, ბეტონით და პოლიმერბეტონით). იმისთვის, რომ სანიაღვრე ღარმა ეფექტურად შეასრულოს თავისი დანიშნულება იგი უნდა აიწყოს სხვადასხვა ელემენტებისგან შემდგარ სანიაღვრე სისტემაში. სისტემის აღწერას დავიწყებთ სახურავით. მის კიდეებზე მონტაჟდება ჰორიზონტალური ღარები, სადაც ჩაედინება წვიმის წყალი, ყველა ღარი იკვრება ჩაკეტილ კონტურში და მის ერთ-ერთ ან რამდენიმე კუთხეში (რაოდენობა დამოკიდებულია სახურავის გეომეტრიულ ფართობზე) ყენდება ძაბრი (სანიაღვრე ვერტიკალური ღარის (დგარის) თავი). ამ ღარის ბოლოში მონტაჟდება მუხლი, დგარიდან წყალი ჩადის წვიმის წყლის შემკრებ რეზერვუარში, რომლიდანაც უშუალოდ ჩაედინება სანიაღვრე ღარებში. იმის გათვალისწინებით, რომ ღარებში წყალი ხვდება არა მარტო სახურავიდან, არამედ ბილიკებიდან და გაზონიდანაც კი, არხებში ჩააქვს ქვიშისა და მიწის ნაწილაკები. ქვიშის დაგროვების ასაცილებლად ღარების ხაზის ბოლოში აყენებენ ქვიშის დამჭერ რეზერვუარებს. წყალი გადადის საერთო საკანალიზაციო მილში (კოლექტორში) ან სპეციალურად მოწყობილ ღრმულში, საიდანაც მას ტუმბოთი ქაჩავენ. ამ პუნქტზე დეტალურად არ შევჩერდებით, ვინაიდან წყლის დაღვრის საბოლოო წერტილი განისაზღვრება კონკრეტული პირობებიდან გამომდინარე.

ახლა კი შევუდგეთ სადრენაჟე სისტემის მოწყობის კონკრეტიკას. ეს არის სადრენაჟე სისტემა, ამიტომ საჭიროა, რომ გქონდეთ სქემა (ესკიზი), რომელზეც ასახული იქნება ღარების ხაზი. წყლის მარშრუტს დავიწყებთ წვიმის წყლის შემკრები რეზერვუარისგან.

წვიმის წყლის შემკრები რეზერვუარი აღჭურვილია ნაგვის და ფოთლების შემაკავებელი გისოსით და სპეციალური კონტეინერით, რომელშიც გროვდება უფრო წვრილი ნაწილაკები. ვერტიკალური დგარის მუხლი უნდა დამონტაჟდეს გისოსთან მაქსიმალურად ახლოს და ამასთან ერთად მათ შორის უნდა რჩებოდეს საკმარისი სივრცე იმისთვის, რომ საჭიროების შემთხვევაში გისოსი აიხადოს კონტეინერის გაწმენდისთვის. სხვათა შორის, ამ რეზერვუარებს ასევე გააჩნია დგარის პირდაპირი შეერთების საშუალება, საკმაოდ სასარგებლო ფუნქციაა, თუ წყლის შხეფები და ხმაური გაწუხებთ.

როგორც ზემოთ აღვნიშნეთ, წვიმის წყლის შემკრები რეზერვუარიდან წყალი მიეწოდება სანიაღვრე ღარებში ამას განვიხილავთ უფრო დეტალურად. სანიაღვრე ღარებს ათავსებენ წინასწარ ამოთხრილ ტრანშეაში. ტრანშეის სიგანე უნდა აღემატებოდეს ღარის სიგანეს 20 სმ-ით (ათ-ათი სმ ორივე მხრიდან), ხოლო სიმაღლე 10 სმ-ით მეტი უნდა იყოს. ასევე გასათვალისწინებელია გზის (ტროტუარის) საფარის სიმაღლე, ვინაიდან ღარი უნდა განათავსოთ 3-5 მმ-ით ქვემოთ. ამით თქვენ დაიცავთ არხებს ტრანსპორტის და სიარულის ზემოქმედებისგან. გარდა ამისა, თუ მიწის ზედაპირი სწორია თქვენ თვითონ უნდა უზრუნველყოთ მისი მოწყობა ტრანშეის ამოთხრის დროს. თუ წყალგამყვან ხაზს აქვს მოსახვევი ადგილები, გირჩევთ ტრანშეის საბოლოო მოწყობამდე მოათავსოთ მასში ყველა ღარი, ქვიშის დამჭერი და დარწმუნდეთ, რომ ყველაფერი სწორად არის გათვლილი. ღარის კორპუსზე დატანილია მიმართულების მიმათითებელი ისრები. მოსახვევებში დაგასასვლელად ღარების გვერდებზე არის წყალგამყვანი ადგილები და საჭიროა მხოლოდ მათი ამოჭრა და მეორე ღარის ჩასმა. ამ ყველაფრის შემდეგ შეგიძლიათ ამოიღოთ ღარები ტრანშეიდან და შეუდგეთ მომდევნო ეტაპს.

ღარების ჩადების დროს დონის სისწორის დასაცავად გირჩევთ გამოიყენოთ არმატურა და მასზე დაყენებული საპროექტო თოქი. ორიენტირება უნდა მოახდინოთ თოკის დონეზე და შეამოწმოთ სისწორე თარაზოთი.

ტრანშეის მოწყობის შემდგომ მის ფსკერზე უნდა დაიდოს ქვიშა-ღორღის ნარევი, რის შემდეგაც შეგიძლიათ დაიწყოთ სისტემის აწყობა. უნდა დაიწყოთ ბოლოდან, ანუ ქვიშის დამჭერით. მას ასევე გააჩნია გისოსი და ქვიშის შემკრები კონტეინერი. ისიც ტროტუარის საფარის 3-5 მმ-ით ქვემოთ უნდა ჩაიდოს. შემდგომ ჩაიდება სანიაღვრე ღარები. როგორც უკვე მოგახსენეთ, არხების ჩადების სისწორე თარაზოთი შეამოწმეთ და საჭიროების შემთხვევაში გაასწორეთ რეზინის ჩაქუჩით.

იმისთვის, რომ არხების ჩადებისას კედლების დეფორმაცია არ მოხდეს, მოათავსეთ ყოველ მათგანზე გისოსები, დამაგრებას ნუ ჩქარობთ, უბრალოდ გადაახვიეთ პოლიეთილენი.

თუ ტრანშეის გვერდებსა და ტროტუარს შორის რჩება თავისუფალი სივრცე, სამუშაოების დამთავრების შემდგომ მას ავსებენ ჰერმეტიკით. ღარებს შორის წარმოქმნილ ნაკერებსაც ავსებენ ჰერმეტიკით.

ახლა კი შეგიძლიათ გისოსების დამაგრებაც.

კიდევ ერთხელ გავიაროთ სადრენაჟე-სანიაღვრე ღარების სისტემის მოწყობის თანმიმდევრობა:

• ტრანშეის ამოთხრა ქანობის გათვალისწინებით
• ტრაინშეის ფსკერის გამაგრება ქვიშა-ღორღის ნარევით
• ქვიშის დამჭერი რეზერვუარის დაყენება
• სადრენაჟე-სანიაღვრე ღარების ჩადება
• ტროტუარსა და ღარებს შორის სივრცის ჰერმეტიზაცია
• ნაკერების ჰერმეტიზაცია
• გისოსების დამაგრება

ეს იყო ძირითადი ინფორმაცია სადრენაჟე-სანიაღვრე ღარების მონტაჟისთვის. ღარების და ქვიშის დამჭერების გარდა, ჩვენი ინტერნეტ-მაღაზია გთავაზობთ ყველა საჭირო მასალების ფართო არჩევანს, ანუ ღორღს და ქვიშას, არმატურებს, თარაზოს, თოკს, ჰერმეტიკებს (ბიტუმის, ელასტიურს და ასევე კომპანია „Standartpack“-ის) და ა. შ.

„დომინო“ წარმატებებს გისურვებთ!