თანამედროვე სამყაროში საყოფაცხოვრებო ტექნიკა მუდმივად ვითარდება და აგარაკის სიმყუდროვის შექმნა ბინაშიც შესაძლებელი ხდება სხვადასხვა გრილის დახმარებით. გრილზე მომზადებული საკვები ბევრად სასარგებლობა, ვინაიდან საკვები მზადდება ზეთისა და სხვა ცხიმების გარეშე. სანამ ბინის გრილს შეარჩევთ, მოგიყვებით, თუ რა ტიპის უნდა იყოს გრილი, რა სიმძლავრის, და რა დამატებითი პარამეტრებით უნდა იყოს აღჭურვილი გრილი თქვენი მაქსიმალური კომფორტისთვის. 

გრილის ტიპი. გრილის ორ ტიპს განასხვავებენ - კონტაქტურს და უკონტაქტოს. კერძოდ ამ სტატიაში ჩვენ განვიხილავთ ღია და დახურულ კონტაქტურ გრილებს.
კონტაქტური გრილი წარმოადგენს მუშა ზედაპირს, რომლის ქვეშ მოწყობილია გასახურებელი ელემენტი. ზედაპირების სახეობებზე და იმაზე თუ რა საკვების მომზადების საშუალებას გვაძლევს გრილი უკვე ვისაუბრეთ წინა სტატიაში გაზის გრილებზე.
ღია (ცალმხრივი) გრილი მოსახერხებელია იმ თვალსაზრისით, რომ მისი მუშა ზედაპირი საკმაოდ ფართოა და გაძლევთ ერთდროულად რამოდენიმე კერძის მომზადების საშუალებას, განსაკუთრებით თუ ის ორსეგმენტიანია - პირველი სეგმენტი დაღარულია, ხოლო მეორე კი გლუვი. თუ უპირატესობას ანიჭებთ ღია გრილს, სასურველია, რომ მას ჰქონდეს მინის თავსახური, რაც კერძის მომზადების პროცესის კონტროლის საშუალებასა და უსიამოვნო შხეპებისგან თავის არიდების საშუალებას გვაძლევს.
დახურულ (ორმხრივი) გრილს ასევე გააჩნია საინტერესო უპირატესობა. გასახურებელი ელემენტი განთავსებულია ორივე (ზედა და ქვედა) ზედაპირის ქვეშ, რაც სტეიკის მომზადებისთვის ძალიან  მნიშვნელოვანია. ასევე ორმხრივი გრილის პლიუსად ითვლება 180°-ზე გახსნის ფუნქცია და დახრის კუთხის კონტროლი.
სიმძლავრე უნდა იყოს არანაკლებ 2000W.
მართვა არსებობს ელექრტრომექანიკური და ელექტრონული.
ელექტრომექანიკურ გრილს აქვს მხოლოდ ტემპერატურისა და დროის მარეგულირებელი. გამოყენების სახელმძღვანელოში უნდა იყოს მითითებული გრილის სამუშაო ტემპერატურა, კარგი გრილი ცხელდება 230-250 °C-მდე და გააჩნია ქსელში ჩართვის და გახურების ინდიკატორები.
ელექტრონული გრილი აღჭურვილია დისპლეით. ორმხრივი ელექტრონული გრილის შემთხვევაში შესაძლებელი ხდება ტემპერატურის კონტროლი ორ პანელზე. კიდევ ერთ საკმაოდ საჭირო ფუნქციებს მიეკუთვნება ავტომატური პროგრამების არსებობა სხვადასხვა კერძების მოსამზადებლად (ბურგერი, სენდვიჩი, თევზი, სტეიკი).
მუშა ზედაპირები აუცილებლად უნდა იყოს ასახდელი, რეცხვის პროცესის გასამარტივებლად.
მრავალფუნქიურობა. დამატებითი აქსესუარების მრავალფეროვნება დაგეხმარებათ კიდევ უფრო მეტად გააფართოვოთ კულინარიული შესაძლებლობები.
ასევე მნიშვნელოვანია, რომ გრილს ჰქონდეს მოსახსნელი პადონი, ცხიმისა და ზედმეტი წვენის შეგროვებისთვის, და, რათმაუნდა მიმწვრობის საწინააღმდეგო ზედაპირიც.
ბინის გრილების განხილვას ამით ვასრულებთ, თუ გსურთ გრილის შეძენა, შეგიძლიათ გაეცნოთ ჩვენს კატალოგს.

წარმატებებს გისურვეთ DIY ჩანაფიქრების განხორციელებაში!