ცივი ზამთრის შემდეგ ყოველივე ცოცხალისთვის დგება ყვავილობის ჟამი. მოცემულ სტატიაში ჩვენ განვიხილავთ, როგორ მოვლას საჭიროებენ მცენარეები იმისთვის, რომ გაგვაბედნიერონ ზაფხულში, ყვავილობის დროს.

1. შეზღუდეთ მორწყვა. წლის ცივ პერიოდში მცენარეთა ზრდის ტემპი სარგძნობლად მცირდება, ამიტომ არ მოითხოვენ იმდენ წყალს, რამდენიც სჭირდებათ ზაფხულშის პერიოდში. ძირითადი წესი - მორწყეთ იშვიათად და გაითვალისწინეთ, რომ მორწყვის შემდეგ ქოთანში წყალი არ უნდა ჩადგეს. ეს განსაკუთრებით დამახასიათებელია იმ მცენარეებისთვის, რომლებიც კაშპოში ჩარგულია ან მოთავსებულია ქოთნით. ქალაქის პირობებში, სადაც წყლის წყარო არის წყალსადენი ხისტი წყლით, მცენარეების მორწყვა უმჯობესია დამდგარი წყლით (გააჩერეთ წყალი ჭურჭელში მინიმუმ ერთი დღე-ღამის განმავლობაში). ხისტი წყალი შეიცავს ქიმიურ ნივთიერებებს, რომლებიც შედიან რეაქციაში ნიადაგის სასარგებლო ელემენტებთან. ამის შედეგად მცენარეების ფესვები ვერ ღებულობენ განვითარებისთვის საჭირო კომპონენტებს. აუცილებლად გამოიყენეთ თბილი წყალი. მცენარე უნდა მორწყათ მხოლოდ მაშინ, როცა ნიადაგი ზედაპირიდან ორი სანტიმეტრის სიღრმით გაშრება.

2. მოათავსეთ მცენარე ბუნებრივი სინათლის წყაროსთან ახლოს. თუ თქვენი სახლის ფანჯრები ჰორიზონტის სხვადასხვა მხარეს გადიან, უმჯობესია სამხრეთის ან სამხრეთ-დასავლეთის მიმართულების შერჩევა. ნუ გავიწყდებათ მცენარის პერიოდული მობრუნება იმისთვის, რომ მან მიიღოს სინათლის თანაბარი რაოდენობა, რაც მნიშვნელოვანია სწორი ფორმის ჩამოყალიბებასა და შენარჩუნებისთვის (განსაკუთრებით მნიშვნელოვანია სუკულენტების შემთხვევაში). თვეში 2-3-ჯერ საკმარისი იქნება.

3. სასუქებს ნუ აძლევთ. ზამთარში მცენარეთა უმრავლესობისთვის დგება პასიურობის პერიოდი, შედეგად ზრდაც არის შენელებული. იმ პერიოდში სასუქების დამატებას აზრი არა აქვს, ვინაიდან მცენარე მათ ვერ აღიქვამს და ზედმეტი „საკვები“ უბრალოდ დაამარილებს მიწას, რაც მცენარეზე ნეგატიურ გავლენას მოახდენს. განაახლეთ მცენარეების ყოველკვირეული დამატებითი კვება გაზაფხულის დასაწყისში, როგორც კი გაჩნდება ახალი ფოთლები და ყლორტები.

4. მოწმინდეთ მტვერი. მტვერი ფოთლებზე აცობს მცენარის ფორებს, რაც ურთულებს მცენარეს სუნთქვას და არღვევს აირცვლას, არ უშვებს მცენარეში სინათლის საჭირო რაოდენობას, რაც არღვევს სრულყოფილ ფოტოსინთეზს. ამ პრობლემების თავიდან ასარიდებლად გაწმინდეთ ფოთლები სველი, კარგად გაწურული ნაჭრით ან ღრუბლით. ძალიან დაბინძურებული მცენარეები (რომლებიც ბინადრობენ სამზარეულოში და დაფარულია ცხიმით და ჭვარტლით) შეგიძლიათ შხაპით გარეცხოთ. ოღონდ არ დაგავიწყდეთ ქოთნის გახვევა პოლიეთილენის ისე, რომ წყალმა არ გამორეცხოს ნიადაგი. საგულდაგულო რეგულარული წმენდა ასევე დაგეხმარებათ მცენარის დაავადებების და მავნებლების აღმოჩენაში.

5. ჰაერის დატენიანება. ოთახის მცენარეებს უყვარს ტენიანობის საკმაოდ მაღალი დონე - 40-50 %. სამწუხაროდ ზამთრის თვეებში გასათბობ ბინებსა და სახლებში ეს მაჩვენებელი მცირდება 10-20 %-მდე. სიტუაციის გასაუმჯობესებლად გამოიყენეთ ჰაერის დამატენიანებელი, მცენარეების რეგულარული დანამვა ოთახის ტემპერატურის სუფთა დამდგარი წყლით, ან სახლის ჩანჩქერი. ზოგიერთი მცენარისთვის გამოსადეგი იქნება მინის კლოში.

6. მოერიდეთ ტემპერატურის ცვალებადობას. ოთახის მცენარეები ზამთარში საერთოდ ნორმალურად იტანენ სიგრილეს, მაგრამ ტემპერატურის უეცარი მერყეობა და მინისგან მისული სიცივე ავნებს არა მარტო ფოთლებს, არამედ ფესვთა სისტემასაც. ზამთარში ოთახის განიავების დროს არ დატოვოთ მცენარეები ფანჯრის რაფაზე. ნუ განათავსებთ მცენარეებს სითბოს წყაროსთან - ღუმელთან, ბუხართან, რადიატორთან. შეეცადეთ ქოთნები განათავსოთ ისე ფანჯრის რაფაზე ისე, რომ მოარიდოთ რადიატორის უშუალო სიახლოვეს.

7. დამატებითი განათება. ცივ თვეებში თოთქმის ყველა მცენარე განიცდის დღის სინათლის უკმარისობას (გამონაკლისია, მაგალითად, კალანხოე, ქრიზანტემა, სენპოლია, პუანსეტია). თუ ახალი ფოთოლი წვრილი და მკრთალი იზრდება, ჭრელი შეფერილობა ქრება - შეიძინეთ სპეციალური სანათი.

წარმატებებს გისურვეთ DIY ჩანაფიქრების განხორციელებაში!