ჩვენს სტატიებში ხშირად ვსაუბრობთ სახლის სიმყუდროვეზე. პირველ რიგში მას ქმნის ზედაპირების სწორად და გემოვნებიანად მოპირკეთება (იატაკი, კედლები, ჭერი). იატაკს, ჭერს და კედლებს დიდი ფიზიკური დატვირთვა აქვთ და უნდა გახსოვდეთ, რომ მათი მოპირკეთება მნიშვნელოვანია არა მარტო სილამაზისთვის, არამედ ზედაპირების დასაცავადაც.

წინამდებარე სტატიაში ჩვენ განვიხილავთ ისეთ მოსაპირკეთებელ მასალას, როგორიცაა დეკორატიული ბათქაში, მის შემადგენლობას, თვისებებს და გამოყენების არეალს.

რა შედის დეკორატიული ბათქაშის შემადგენლობაში?

დეკორატიული ბათქაშის შემადგენლობა უნიკალურია და განსხვავდება ჩვეულებრივი მასწორებელი ნარევისგან იმით, რომ შეიცავს პლასტიფიკატორებს და სხვადასხვა დანამატებს, მაგალითად გრანიტის და მარმარილოს ნაფხვენს (წვრილი ნაწილაკები), ქვის მტვერს, სადაფის ბზინებს და სხვა შემვსებებს. მოცემული კომპონენტები გავლენას ახდენენ ბათქაშის მუშა მახასიათებლებზე (ტენგამძლეობა, ჰაერის ცირკულაციის შესაძლებლობა, ხანძარმდგრადობა, ხმაურის იზოლაცია, თბოიზოლაცია, ობის გაჩენის რისკის შემცირება).

დეკორატიული ბათქაშის როგორი ტიპები არსებობს ბაზარზე?

მინერალური დეკორატიული ბათქაში არის ფასის და ხარისხის ადეკვატური თანაფარდობა. მის შემადგენლობაში შედის ცემენტი და კირი. წარმოდგენილია მშრალი ნარევის სახით და გამოიყენება წყალთან შეზავების შემდეგ. მის შემადგენლობაში ასევე შეიძლება შედიოდეს მარმარილოს ნაფხვენი და რაც უფრო მსხვილი იქნება მისი გრანულები, მით უფრო საინტერესო რელიეფი ექნება გაბათქაშებულ ზედაპირს. წყალგაუმტარი კომპონენტები საშუალებას მოგცემთ გააბათქაშოთ შენობის არა მარტო შიდა კედლები, არამედ ფასადიც და ასევე სააბაზანო ოთახიც. მინერალური ბათქაშის პლუსებს ასევე მიეკუთვნება ხანძარმდგრადობა, ჰაერის ცირკულაციის შესაძლებლობა და ასევე ამტანობა ფიზიკური დაზიანებების მიმართ. აქვე აღსანიშნავია, რომ მინერალური ბათქაში არაელასტიურია და ამ მიზეზის გამო არ ღირს მისი გამოყენება ისეთ ადგილებში, სადაც არის ვიბრაციის მაღალი დონე.
აკრილის (პოლიმერული) ბათქაში არის წყალ-დისპერსიული მზა ნარევი. მის შემადგენლობაში შედის შემვსები (მინის და მარმარილოს ნაფხვენი, ნაცრის ნარჩენი და სხვა) და პოლიმერული შემკვრელი. რა თქმა უნდა, აკრილის ბათქაშს გააჩნია მდგრადობა სითხეების ზემოქმედების მიმართ, მაგრამ შენობის ფასადის მოპირკეთებას ამ ტიპის ბათქაშით არ გირჩევთ, ვინაიდან იგი ასუსტებს ჰაერის ცირკულაციას, რამაც შეიძლება გამოიწვიოს სოკოების და ობის გაჩენა, განსაკუთრებით იმ შემთხვევაში, თუ თბოიზოლაციისთვის გამოყენებული გაქვთ ბამბის შემცვლელი თბოსაიზოლაციო მასალა.

დეკორატიული ბათქაშის სახეობები.

ვენეციური ბათქაში. თავდაპირველად ვენეციური ბათქაშის გამოყენება დაიწყეს ძველ რომში, როდესაც მარმარილოთი კედლების მოპირკეთების შემდგომ რჩებოდა მარმარილოს მტვერი. დღესდღეობით მისი წარმოების ტექნოლოგიას, ჩამქრალი კირის გარდა, დაემატა ასევე წყალემულსია. ვენეციური ბათქაშის დატანა შესაძლებელია მხოლოდ იდეალურად სწორ კედლებზე, რაც დაგეხმარებათ მარმარილოს ეფექტის შექმნაში. დეკორატიული ბათქაშის უპირატესობათა შორის არის ისეთი პარამეტრები, როგორიცაა წყალგამძლეობა, ეკოლოგიურობა, ცვეთამედეგობა, ხანძარმდგრადობა. 

სტრუქტურული ბათქაში არის არაერთგვაროვანი მარცვლოვანი მასა, რომელშიც დამატებულია სხვადასხვა გრანულები: შაბის ნაწილაკები, ქვის ნაფხვენი, ხის ბოჭკოები და სხვა. სტრუქტურული ბათქაში მზადდება სინთეტიკური ლატექსების და სილიკატური კალიუმის ბაზაზე, წყლის ბაზაზე ან გამხსელებზე. სათავსის შიდა კედლების მოსაპირკეთებლად გამოიყენება მხოლოდ წყლის ბაზაზე დამზადებული ბათქაში, ვინაიდან მას არ გააჩნია სუნი და უსაფრთხოა ჯანმრთელობისთვის. საწარმოში გრანულები შეიძლება შეღებილი იყოს სხვადასხვა ფერებში. სწორი მოპირკეთების მისაღწევად ხელოსანი იყენებს კელმას(დიდ ქაფჩას). ბათქაშის ფენის სისქე უნდა მიიყვანოთ მარცვლის სისქემდე, შემდგომ კი შეიძლება სახეხით ნახატის დატანა.

დეკორატიული ბათქაში „ქერქიჭამია“. ეს სახელი მიიღო იმიტომ, რომ ამ ბათქაშით მოპირკეთებული ზედაპირი ჰგავს ქერქიჭამიათი გაღრღნილ ზედაპირს. გამოიყურება საკმაოდ ლამაზად. მის შემადგენლობაში შედის შემვსების ორი სახეობა - წვრილი და მსხვილი (მომრგვალო გრანულები). ქერქიჭამია გამოიყენება შენობის ფასადის მოსაპირკეთებლად. მისი დატანა მარტივია და არ მოითხოვს სპეციალურ უნარებს ან ცოდნას. ასევე არ დაგჭირდებათ კონკრეტული ინსტრუმენტები, როგორც ეს იყო სტრუქტურული ბათქაშის შემთხვევაში.

ფაქტურული ბათქაში ბაზარზე წარდგენილთა შორის არის ყველაზე პოპულარული. იგი შესაძლებლად ქმნის სხვადასხვა რელიეფური ზედაპირების და ნახატების შექმნას ნებისმიერი ნივთით. ამისთვის საკმარისია ბათქაშის ერთი ფენის წასმა, შემდეგ კი შეიძლება ნახატის დატანა. თუ არ გაქვთ სპეციალური რელიეფური ლილვაკები, შეგიძლიათ გამოიყენოთ დაჭმუჭნული პოლიეთილენი ან ფოლგა, ქაღალდი და სხვა. ამის შემდეგ ზედაპირზე რჩება ქაოტური კვლები, რომლითაც იქმნება რელიეფის ეფექტი.

სტატიის დასრულებისას აღვნიშნავთ, რომ ჩვენს საიტზე წარმოდგენილია არა მარტო დეკორატიული ბათქაშების ფართო არჩევანი, არამედ ინვენტარი, რომელიც დაგჭირდებათ მისი დატანისთვის.

„დომინო“ წარმატებებს გისურვებთ!