ორქიდეა PHALAENOPSIS 1 SPIKE 80 სმ
ორქიდეა ტროპიკული მცენარეა, რომელიც ორიგინალური ფორმის, ულამაზესი ყვავილებით გამოირჩევა. ორქიდეა სახლის ინტერიერს განსაკუთრებულ ხიბლს სძენს. ის რთულად მოსავლელია, ამიტომ გარკვეული წესები უნდა დაიცვათ მისი გახარებისთვის. პირველი, რასაც უნდა დააკვირდეთ - მცენარის ფესვია. ფესვები კარგად უნდა ჩანდეს მიწის სიღრმეში, რათა დარწმუნდეთ, რომ მხოლოდ მცენარის ღეროს არ შეიძენთ. ფესვები უნდა იყოს საკმარისად სქელი, მშრალი, კარგად დატოტვილი და არავითარ შემთხვევაში არ უნდა იყოს სველი. ჯანსაღი ფესვის ფერი არის ღია მწვანე, ხოლო ყავისფერი ფესვები დაავადების საწყისი ნიშანია.
➜ განათება. ორქიდეასათვის კომფორტულია სახლის დასავლეთი ან აღმოსავლეთი მხარე. სადაც გაფანტული, მაგრამ საკმარისი სინათლე იქნება, პირდაპირი მზის სხივების გარეშე. მცენარეს ასევე არ უყვარს ხშირი გადაადგილებები.
➜ ტემპერატურა. კომფორტულად გრძნობს თავს 17-25°C ტემპერატურის პირობებში.
➜ ჰაერის ტენიანობა. ორქიდეისთვის ჰაერის მაღალი ტენიანობა ერთ-ერთი მნიშვნელოვანი პირობაა, ამიტომ საჭიროა, მშრალი ჰაერის პირობებში მცენარეს სასურველი გარემო ხელოვნურად შეუქმნათ.
➜ მორწყვა. უპირველეს ყოვლისა, თქვენ უნდა მორწყოთ ყვავილი არა გრაფიკის მიხედვით, არამედ მისი მოთხოვნების მიხედვით. ორქიდეა სიმშრალეს უფრო მეტად იტანს, ვიდრე ზედმეტ წყალს, ამიტომ მისი მორწყვა მაშინ ხდება, როდესაც მიწა ქოთანში მთლიანად შრება. (10-15 დღეში ერთხელ ). პროცესი: მოსარწყავად საჭიროა ორქიდეის ქოთანი წყლიან ჭურჭელში ჩადგათ. წყალში 15-20 წუთი გააჩეროთ.
➜ სასუქები. ორქიდეა სპეციალურ სუბსტრატში ირგვება, მათთვის დაუშვებელია ჩვეულებრივი მიწის ან ტორფის გრუნტის გამოყენება. სუბსტრატის ძირითადი შემადგენელია ხის ქერქი (ქოქოსის, ფიჭვის, მუხის და ა.შ.), ამას შეიძლება ნახშირი, კერამზიტი, კორპის ნამცეცები, თიხის ნამტვრევები და კაკლის ნაჭუჭიც დაემატოს. დროთა განმავლობაში სუბსტრატის შემადგენელი ნაწილები იშლება და ქოთნიდან გამოირეცხება, ამიტომ საჭიროა, ზემოჩამოთვლილი პერიოდულად ჩაამატოთ ქოთანში.
➜ გადარგვა. ორქიდეის გადარგვა საჭიროა მაშინ, როცა მიწისზედა ნაწილი გაიზრდება და არა მაშინ, როცა ქოთნიდან ფესვები გამოეზრდება.
• დასახელება: ორქიდეა
• მცენარეთა ჯგუფი: დეკორატიული ყვავილოვანი
• განათება: ზომიერი
• მორწყვა: უხვი 10-15 დღეში ერთხელ
• ოპტიმალური ტემპერატურა: +17/+25 °C
• სიმაღლე გაყიდვის მომენტში: 80 სმ
* გთხოვთ, გაითვალისწინოთ, მცენარეების დაბრუნება შესაძლებელია მხოლოდ კურიერთან მიღებისთანავე.
* მცენარეები იყიდება დეკორატიული ქოთნების გარეშე.
მიმოხილვა ვერ მოიძებნა