მცენარეების შერჩევა, მით უმეტეს, თუ სახლში შინაური ცხოველიც გყავთ, განსაკუთრებულ ყურადღებას მოითხოვს. საქმე იმაშია, რომ ზოგიერთი მათგანი ტოქსიკურია და, შესაბამისად, თქვენი ოთხფეხა მეგობრისთვის სახიფათოც შეიძლება აღმოჩნდეს. ამიტომ, თუ სახლის გამწვანებას გეგმავთ, უმჯობესია, წინასწარ იცოდეთ იმ მცენარეების ჩამონათვალი, რომლებიც ინტერიერის გალამაზებასთან ერთად, შინაური ცხოველებისთბოლოს

კრასულა 

კრასულა, იგივე ბარაქის ხე, როგორც მას ხშირად უწოდებენ ხოლმე, საქართველოში ერთ-ერთი ყველაზე პოპულარული მცენარეა. ამბობენ, რომ მას სახლში ბარაქა, კარგი განწყობა და საუკეთესო ენერგეტიკა მოაქვს. თანაც, არც შინაურ ცხოველებს ვნებს. 

ბამბუკის პალმა, იგივე დიპსისი

ბამბუკის პალმა, რომელიც სრულიად უსაფრთხო მცენარეა, მავნე ნივთიერებებისა და ტოქსინებისგან ჰაერს შესანიშნავად წმენდს, ამიტომ თუ სახლში შინაური ცხოველი გყავთ, თამამად შეგიძლიათ, არჩევანი სწორედ მასზე შეაჩეროთ. 

ცხენის კუდის პალმა, იგივე ნოლინა ან ბოკარნეა

ძაღლებისა თუ კატებისთვის პალმის ეს სახეობაც სრულიად უწყინარია. ამავდროულად, ცხენის კუდის პალმა ძალიან გამძლეცაა და არც განსაკუთრებულ მოვლას საჭიროებს. თუ დროის სიმცირეს უჩივით, სახლის გასალამაზებლად სწორედ ის გამოგადგებათ. 

ჩინური პალმა, იგივე ლი ისტონა

ჩინური პალმა თქვენს სახლში ელეგანტურ სიმწვანეს, სილამაზესა და დახვეწილ შტრიხებს შემოიტანს. გაითვალისწინეთ, რომ სხვა პალმების მსგავსად, თქვენი ოთხფეხა მეგობრები მასაც შეგიძლიათ ანდოთ. 

ჰამედორეა

მომხიბვლელი და მაღალი ჰამედორეა, იგივე ოთახის პალმა, ნებისმიერ ინტერიერს ამშვენებს და დიდი პოპულარობით სარგებლობს. ამ პოპულარობის ერთ-ერთი მიზეზი კი ისიცაა, რომ იგი შინაური ცხოველებისთვის სრულიად უსაფრთხოა.  

ბრომელიადი

მომხიბვლელი, მრავალფეროვანი და უწყინარი ბრომელიადი სახლის გამწვანებისთვის საუკეთესო არჩევანია. ამასთან, მისი მოვლა ძალიან მარტივია, ყვავილი კი — მართლაც ულამაზესი.

ლურჯი ვარსკვლავი გვიმრა, ფლებოდიუმი

ტროპიკული გარემოს მოყვარული გვიმრა ნებისმიერ ოთახს, მათ შორის აბაზანასაც დაგიმშვენებთ. იგი თითქმის ყველა გარემოს შესანიშნავად შეეგუება და თქვენი სახლის ოთხფეხა ბინადრებისთვისაც არაჩვეულებრივი მეგობარი გახდება. 

კენგურუს გვიმრა, იგივე ნეფროლეპისი

მუქი მწვანე, გამორჩეულ ფორმისა და სილამაზის ფოთლების მქონე კენგურუს გვიმრა მარტივად მოსავლელიცაა და უსაფრთხოც, ამიტომ თუ სახლში ძაღლი ან კატა გყავთ, შეგიძლიათ, მათთან ერთად კენგურუს გვიმრაც ჰარმონიულად აცხოვროთ. 

ობობა მცენარე 

ობობა მცენარე, იგივე ქლოროფიტუმი, ოთახს ჟანგბადითაც გაგიმდიდრებთ და ჯანსაღ გარემოს არა მარტო თქვენ, არამედ შინაურ ცხოველებსაც შეუქმნის.

აფრიკული ია, სენპოლია

ოპტიმალური არჩევანი ცხოველებისა და იების მოყვარულებისთვისაც არსებობს: აფრიკული ია არა მარტო ულამაზესი ყვავილებით, არამედ თქვენი ოთხფეხა მეგობრების უსაფრთხოებითაც გაგახარებთ. 

წითელი და ნეონის მარანტა, „მლოცველი მცენარე“

ბარაქის ხის მსგავსად, მიჩნეულია, რომ მარანტას სახლისთვის სიკეთე და სიმშვიდე მოაქვს, ამიტომ ის ერთ-ერთი ყველაზე პოპულარული მცენარეა. მარანტების რამდენიმე სახეობა არსებობს, თუმცა თუ შინაური ცხოველები გყავთ, წითელი და ნეონის  საუკეთესო არჩევანი იქნება. გაითვალისწინეთ, რომ როცა მარანტას სინათლე აკლდება, ის ფოთლებს კეცავს. სწორედ აქედან მოდის მისი მეორე სახელი „მლოცველი მცენარეც“. მიეცით მას საკმარისი შუქი და ძველებურ იერსაც მარტივად დაიბრუნებს.

კაქტუსი ოპუნცია

ცნობილია, რომ კაქტუსი, მათ შორის ოპუნციაც, სახლისთვის ერთ-ერთი საუკეთესო მცენარეა. გარდა იმისა, რომ სასურველ ადგილს მას ნებისმიერ ოთახში მოუძებნით, ოპუნცია კოსმეტოლოგიაშიც ფართოდ გავრცელებულია. შეგიძლიათ, ცხოველებისთვის უწყინარი მცენარე უბრალოდ კანის დამამშვიდებლად და დამატენიანებლადაც გამოიყენოთ. 

სტრომანტე

სტრომანტეს ულამაზესი, ჭრელი ორნამენტები და დინამიკური ფოთლები სამართლიანად იქცევს მცენარეების მოყვარულთა განსაკუთრებულ ყურადღებას. მომხიბვლელობასთან ერთად, სტრომანეტეზე არჩევანის გაკეთებას შინაური ცხოველების ყოლის შემთხვევაში  გირჩევთ, რადგან ის სრულიად არატოქსიკური და უსაფრთხოა. 

კალათეა ფრედი

ჭრელფოთოლა, ტროპიკული მცენარე, რომელსაც ზოგჯერ ზებრასაც უწოდებენ, სახლის გამწვანების ერთ-ერთი პოპულარული გადაწყვეტაა. ინტერიერის გალამაზებასთან ერთად, შეგიძლიათ, მშვიდად იყოთ: შინაური ცხოველები კალათეასთან განსაკუთრებით მეგობრობენ. 

ასე რომ, შინაური ცხოველებისთვის უსაფრთხო მცენარეების ჩამონათვალი საკმაოდ ვრცელია, მათ შორის დომინოს ბაღშიც. ჩვენი მებაღეები მათ შერჩევასა და თქვენი ინტერიერისთვის მისადაგებაში ადგილზე დაგეხმარებიან და მოვლის შესახებ კომპეტენტურ კონსულტაციასაც გაგიწევენ.